ତୁମେ

 

 ଉପେନ୍ଦ୍ର କୁମାର ବସ୍ତିଆ

  

ତୁମେ ସନ୍ଧ୍ୟା ଦୀପ ସଜ ଆଳତୀ

ମଧୁଗନ୍ଧା ତୁମେ ମଧୁ ମାଳତୀ 

ତୁମେ ଲାଜକୁରି ଝରା ସେବତି 

ପୁନେଇଁର ତୁମେ ଚାନ୍ଦିନୀ ରାତି ।

ତୁମେ ମୋ ରାତିର ସୁନା ସପନ 

ମଳୟର ତୁମେ ଶୀତ ପବନ 

ତୁମେ ଇନ୍ଦ୍ରଧନୁ ସପ୍ତ ରଙ୍ଗୀନ 

ଫଗୁଣର ତୁମେ ବାସ ଚନ୍ଦନ ।

ତୁମେ ଯେ ଜହ୍ନର ରୂପା ଜୋ ଚ୍ଛନା 

ବସନ୍ତର ତୁମେ ମିଠା ବାସନା 

ତୁମେ ଶାମୁକାର ମୋତି ଅଗଣା

ଅର୍ଘ୍ୟ ରୁପା ତୁମେ ଦେବୀ ବନ୍ଦନା ।

 ତୁମେ ସାଗରର ତରଙ୍ଗ ମାଳା

ବିଧାତାର ତୁମେ ଅପୂର୍ବ କଳା 

ତୁମେ ସଙ୍ଗୀତର ସୁରମ୍ୟବଳା

ଚଇତିର ତୁମେ ଫୁଲର ଡାଲା ।

ତୁମେ ଚନ୍ଦନର ନନ୍ଦନ ବନ 

ଶାଶ୍ଵତ ପ୍ରେମର ତୁମେ ଜୀବନ 

ତୁମେ ହସିଦେଲେ ତୃପ୍ତ ମୋ ମନ

ଅତୀତର ତୁମେ ଅଭୁଲା ଦିନ ।

ତୁମେ ପ୍ରେମିକର ମଧୁ ଚନ୍ଦ୍ରିକା 

କଦମ୍ବର ତୁମେ ସୁପ୍ତ କଳିକା 

ତୁମେ ଚିତ୍ରଭାନୁ ସ୍ଵର୍ଣ୍ଣ କଣିକା 

ଅବୁଝା ମନର ତୁମେ ନାୟିକା ।

ତୁମେ ହୃଦୟର ପ୍ରୀତି ସ୍ପନ୍ଦନ 

ପଳାଶର ତୁମେ ରଙ୍ଗ ତୋରଣ 

 ତୁମେ କୃଷ୍ଣ ଚୁଡ଼ା ଫୁଲର ବନ

ପ୍ରାଣପ୍ରୀୟା ତୁମେ ଜୀବନ ଧନ ।

    ରାଉରକେଲ