Uncategorizedଚିତ୍ତ ରଞ୍ଜନ ନନ୍ଦ ଙ୍କ କବିତା ଉଜ୍ୱଳ ତାରକା ମୋ ଉତ୍କଳମଣି by Sunil Chandra NayakOctober 9, 2022080 Share1 ଉଜ୍ୱଳ ତାରକା ମୋ ଉତ୍କଳମଣି ଉଜ୍ୱଳ ତାରକା ମୋ ଉତ୍କଳମଣି ପୁରୀ ଜିଲ୍ଲା ସୁଆଣ୍ଡୋରେ ଜନମି ତ ଥିଲେ ସ୍ଵର୍ଣ୍ଣମୟୀ କୋଳେ ଦଇତାରୀଙ୍କ ଔରସରେ |୧| ଗୋପବନ୍ଧୁ ନିଶ୍ଚିତ ଆମ ଉତ୍କଳ ମାଟିର ଗର୍ବ ଓ ଗୌରବ ଥିଲେ ସେ ମାନବ ସେବାର ସତ୍ୟନିଷ୍ଠ କର୍ତ୍ତବ୍ୟନିଷ୍ଠ ମାନବ l୨l ବିଦେଶୀ ଫିରଙ୍ଗୀ ଶାସନ ବିରୁଦ୍ଧେ ବହ୍ନି ଜଳିଥିଲା ହୃଦୟରେ ମୋ ଦେଶର ସ୍ୱାଧୀନତା ପାଇଁ ବନ୍ଦୀ ହୋଇ ଥିଲେ କାରାଗାରେ l୩l ସମାଜକୁ ଆହ୍ୱାନ ସେ ଯେ ଦେଲେ ମାତୃଭୂମି ର ସେବା ପାଇଁ ଧର୍ମପଦ ତାଙ୍କରି ଏକ ଅନବଦ୍ୟ ସୃଷ୍ଟି ସମାଜ ମଂଗଳ ପାଇଁ l୪l ତାଙ୍କରି ଲେଖନୀରେ ଜୀବନ ସତ୍ୟର ଯେଉଁ ଆଶା ପରିଭାଷା ମଣିଷର ବର୍ଷ ମାସ ଦିନ ନୁହେଁ ଜୀବନର ଦଣ୍ଡ କର୍ତ୍ତବ୍ୟ ଥିଲା ନିଶା l୫l ସଭିଙ୍କୁ ଚେତାଇଛନ୍ତି ସେ,”ବିଶେଷେ ଉତ୍କଳେ ନାହିଁ ପ୍ରୟୋଜନ”, ଯେହେତୁ ପରା ଏଇ, “ଉତ୍କଳର ନେତା ନିଜେ ନାରାୟଣ” ।୬। ଦେଶ ସେବା ଜନ୍ମଗତ ଧର୍ମ, ଦେଶ ବାସୀରେ କରନ୍ତି ଆହ୍ଵାନ ଶିକ୍ଷା ଜାଗରଣେ, ଦେଶର ଉନ୍ନତିରେ, କରିବା ଜୀବନ ଦାନ l୭l ସାହିତ୍ୟିକ ସାମ୍ବାଦିକ ସମାଜସେବୀ ସେ ସ୍ଵତନ୍ତ୍ର ଉତ୍କଳ ପ୍ରଦେଶ ଗଢନ୍ତି କଂଗ୍ରେସର ଅଧ୍ୟକ୍ଷତା କରି ଜାତିର ପିତା ଗାନ୍ଧୀଂକୁ ଓଡିଶା ଅାଣନ୍ତି |୮| ପୂଜ୍ଯ ନମସ୍ୟ ସେଇ ସେବା ଆଦର୍ଶର ଓଡିଶାର ଶ୍ରେଷ୍ଠ ବରପୁତ୍ର ଉଣିଶହ ଅଠେଇଶ ସତର ଜୁନ୍ ମାସରେ ହେଲେ ସ୍ଵର୍ଗ ପ୍ରାପତ |୯| ଭୁଲିଛେ ଆମେ ତାଂକ ନୀତିପଥ, ବିପଥଗାମୀ ସରବେ ହୋଇଛେ ସମାଜରେ ବର୍ବରତା ଦୁର୍ନୀତି ଦୁରେଇ ଶୋଷଣ ମୁକ୍ତିର ପଥକୁ ଭୁଲିଛେ |୧୦| ଆଜ ତୁମ ପୂଣ୍ୟ ଜନ୍ମଦିନେ ତୁମରି ବନ୍ଦନା କରୁଛି ମୋ ଓଡିଶା ମାଟି ଯେଉଁଠାରେ ଥାଅ, ଜନମ ମାଟିକୁ ଦିଅ ଆଶିଷ, ଶାନ୍ତି ମୈତ୍ରୀ ଭେଟି l୧୧l ଚିତ୍ତ ରଞ୍ଜନ ନନ୍ଦ ଜଗତପୁର, କଟକ