ସକାଳର ଜଣାଣ
ଦୁଇ ହାତ ପାତି
ବିଜୟ କୁମାର ଜେନା
ଦୁଇ ହାତ ପାତି ମାଗୁଛି ଛାମୁରେ
ତୁମରି କରୁଣା ପାଇଁ
ଧନ ଜନ ମାନ କିଛିବି ଚାହେଁନା
ଦୟା ରଖିଥିବ ସାଇଁ।
ଅଳପ ଆୟୁସେ ଯାହା ମୁଁ ବୁଝିଛି
ତୁମ ଛଡା କେହି ନାହିଁ
ଆନନ୍ଦ ବିଷାଦ ସୁଖ ନିରାନନ୍ଦ
ଏସବୁ ଆମରି ପାଇଁ।
ପ୍ରତି ମୁହୂର୍ତ୍ତରେ ପରୀକ୍ଷା ନେଉଛ
ତୁମେ ତ ଭକ୍ତ ବାନ୍ଧବ
ତୁମରି କରୁଣା କେ ମାପି ପାରିବ
ଅସମ୍ଭବ ଯେ ସମ୍ଭବ।
ଯୌବନରେ ପ୍ରଭୁ ଭୂଲି ଯାଇଥିଲି
ଏବେ ତ ମନେ ପଡୁଛ
କୃତ କର୍ମ ଫଳ ଭୋଗିବା କାଳରେ
ଅନୁଭବ ରେ ଆସୁଛ।
ତୁମରି କରୁଣା ଟିକିଏ ମିଳିଲେ
ଅନ୍ଧାର ଯିବ ଦୂରେଇ
ଧର୍ମ ପଥ ମୋତେ ଦିଶିଯିବ ବଳେ
ମହତ ରଖ ଗୋସାଇଁ।
ଅବସର ପ୍ରାପ୍ତ ପ୍ରାଧ୍ୟାପକ
ଶାମୁକା ସାହି ରଣପୁର ନୟାଗଡ଼