ମୟୂରଭଞ୍ଜ -୧୧/୧୦/୨୨(ମସିହା) ମୟୂରଭଂଜ ଜିଲ୍ଲାର ବିଜାତଳା ବ୍ଳକର ମୁଣ୍ଡାଠାକୁରା ପଞ୍ଚାୟତର ମୁଣ୍ଡାଠାକୁରା ଗ୍ରାମରେ ସାର୍ବଜନୀନ ୨୩ ତମ ଲକ୍ଷ୍ମୀପୂଜା ମହାସମାରୋହରେ ପାଳନ କରାଯାଉଛି । ଶ୍ରଦ୍ଧାଳୁମାନେ ଗ୍ରାମ ପୋଖରୀରୁ ପୂର୍ଣକୁମ୍ଭ ପାଣି ମୁଣ୍ଡରେ ଆଣି ଗ୍ରାମ ପରିକ୍ରମା କରିଥିଲେ । ପରେ ମଣ୍ଡପକୁ ଆଣି କଳଶ ସ୍ଥାପନା କରିଥିଲେ ।ପୂଜକ ପଣ୍ଡିତ ଦୟାନିଧି ଧନିଙ୍କ ଦ୍ବାରା ରୀତିନୀତି ଅନୁସାରେ ପୂଜାର୍ଚ୍ଚନା ହୋଇଥିଲା । ବିଜାତଳା ବ୍ଳକର ଏହା ଏକ ବଡ଼ ପୂଜା ମଣ୍ଡପ । ଆକର୍ଷଣୀୟ ତୋରଣ, ଆଲୋକସଜ୍ଜା, ଏବଂ ଭକ୍ତିମୟ ମା’ଙ୍କ ମୃଣ୍ମୟ ପ୍ରତିମାକୁ ଦେଖିବାକୁ ଆଖପାଖ ଅଂଚଳରୁ ହଜାର ହଜାର ଶ୍ରଦ୍ଧାଳୁ ଛୁଟି ଆସିଥିଲେ । ଦୁଇବର୍ଷ କରୋନା କଟକଣା ଯୋଗୁଁ ମାଙ୍କ ଦର୍ଶନରୁ ବଂଚିତ ଶ୍ରଦ୍ଧାଳୁ ଏଥର ପାଖରୁ ମା’ଙ୍କୁ ପାଇ ଆନନ୍ଦରେ ବିଭୋର ହୋଇଥିଲେ ।ପୂଜା କମିଟି ତରଫରୁ ଖିଚୁଡି,ଅନ୍ନ,କ୍ଷିରି ବଣ୍ଟନ କରାଯାଇଥିଲା ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ