ଜଣାଣ

ମାନଗୋବିନ୍ଦ ସ୍ବାଇଁ

ଭକତି ନଥିଲେ ଶକତି ଯେ ନାହିଁ

      ଭାବରେ ତାଙ୍କୁ ହଁ ଦେଖ

ମୁକତିର ଗାଥା କହେ ପ୍ରଭୁ ଲୋକ

   ମିଳିବ ଜୀବନ ସୁଖ।

ଯେଉଁଠି ଥାଆରେ ଭାବନାର ଦେଖା

    ପ୍ରଭୁ ପରଂବ୍ରହ୍ମ ଭକ୍ତି

ସମଗ୍ର ଜଗତ ତାଙ୍କରି ଆଜ୍ଞାରେ

   ଦେଇଥାନ୍ତି ଶକ୍ତି ମୁକ୍ତି।

ସୁଖ ଶାନ୍ତି ତାଙ୍କ ଆଦେଶ ପ୍ରଦାନ

     ପ୍ରତୀକ୍ଷା ଆସେ ସେ ଦିନ

ପ୍ରଭୁଙ୍କୁ ଭାବରେ ଡାକି ଦେଲେ ଥରେ

    ପ୍ରଭୁ କହେ ଶାନ୍ତି ମନ।

ବାହାର ଭିତର କରିଦେ ସମାନ

    ମିଳିଯିବ ତତ୍ବଜ୍ଞାନ

ଜଳ ସ୍ଥଳ ନଭ ସଭିଙ୍କ ଭିତରେ

    ଦିବ୍ୟ ଦେହେ ଭଗବାନ।

ଅଦୃଶ୍ୟ ରୂପରେ ଆମରି ପାଖରେ

   ବୁଝେ ଆମ ଭଲମନ୍ଦ

ଦର୍ଶନ କରିଲେ ଫଳ ପ୍ରାପ୍ତି ହୁଏ

   ପ୍ରଭୁ ଜୀବନ ଆନନ୍ଦ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା