ଜଣାଣ

ମାନଗୋବିନ୍ଦ ସ୍ବାଇଁ

ଦିନକୁ କାମରେ ପ୍ରଭୁଙ୍କୁ ମନରେ

     ସ୍ମରଣ ଛବି ସ୍ବପନ

ତାଙ୍କରି ଭାବନା ରହିଛି ଜୀବନ

    ଭକ୍ତି କରଇ ଦର୍ଶନ।

ଖୋଲି କହି ଦୁଃଖ ବାଢୁଛି ଆଗରେ

    ବିଚାର ଦିଅ ଶାନ୍ତିରେ

ବଞ୍ଚିବାକୁ ହବ ଜୀବନ ସଂଗ୍ରାମେ

    ମୋ ପ୍ରୀତି ଶକ୍ତି ଭକ୍ତିରେ।

ପ୍ରକୃତି ବିପଦ ଆସୁଛି ଦିନକୁ

      ସଂଘର୍ଷ ମୋ ଦିନରାତି

ଆକାଶ ପାତାଳ ଘନ ଅନ୍ଧକାର

    ପ୍ରଭୁ ନାମ ଧରୁ ନିତି।

ଜୀବନ ସଂଗ୍ରାମ କଷଟି ପଥର

   ଥରକୁ ହୁଏ ପରୀକ୍ଷା

ବଞ୍ଚିବା ମରିବା ପ୍ରଭୁଙ୍କ ଉପରେ

   ତା ହୁଏ ଭାଗ୍ୟ ସମୀକ୍ଷା।

ହରିରାମ ଶବ୍ଦ ଯେତେ ଦୂର ଯିବ

       ଘୁଞ୍ଚିବ ସବୁ ବିପଦ

ପ୍ରଫୁଲ୍ଲ ମନରେ ଶାନ୍ତି ଆସିଯିବ

     ମିଳିବ ଶୁଭ ସମ୍ବାଦ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା