Uncategorizedବେଣୁଧର ସୂତାର ଙ୍କ କବିତା ନିଃସର୍ଗ ଜୀବନ ଧାରା by Sunil Chandra NayakOctober 24, 2022071 Share0 ନିଃସର୍ଗ ଜୀବନ ଧାରା ବେଣୁଧର ସୂତାର ଜୀବନ ବେଦର ପ୍ରଣବ ଓଁକାର ଅମୃତ ର ମଧୁ ଧାରେ ପ୍ରେମର ମଧୁର ମୂର୍ଛନା ତୋଳେ ବିପୁଳ ବିଶ୍ଵ ତୀରେ ।। ପବିତ୍ର ଉର୍ବୀର ମମତା ନିର୍ଝର ଅନାବିଳ ସ୍ନେହ ଧାରା ଚିରବତ୍ସଳା ତା ଭାବମଧୁରତା ପ୍ରାଣ ସଞ୍ଜୀବନୀ ଭରା ।। ପ୍ରାପ୍ତିର ପୁଲକେ ଜୀବନର ବିନ୍ଦୁ ଭିଜିଯାଏ ତୃପ୍ତି ନୀରେ ଆଶା ଭରା ଏକ ନିର୍ଝରିଣୀ ସମ ସପ୍ନିଳ ତରଙ୍ଗ ତୀରେ ।। ବୟସ ଖେଳଇ ଆୟୁଷର ଦୋଳି ଢାଳି ପ୍ରୀତି ଅର୍ଘ୍ୟାଞ୍ଜଳି ବାସ୍ତବ ସ୍ଵପ୍ନର ଭାବ ମୂର୍ଛନାରେ ସମ୍ମୋହନ ସୁର ତୋଳି ।। ହୃଦୟବେଳାରେ ଶିହରଣ ଖେଳେ ମମତା ଅମୃତ ପାନେ ଆହାକି ମଞ୍ଜୁଳ ଜୀବନର ଖେଳ କୃପାମୟୀ ଅନୁଦାନେ ।। କେତେ ଯେ ନିଦାଘ ବରଷା ବସନ୍ତ ଭାବମୟ ମୁହୂର୍ତ୍ତରେ ଜୀବନ ଚର୍ଯ୍ୟାର ସୂକ୍ଷ୍ମ ଅନୁଭୂତି ଅନ୍ତହୀନ ଆବେଗରେ ।। ସୃଷ୍ଟି ସମଷ୍ଟିର ମୁଗ୍ଧ ଅନୁଭବ ସମର୍ପିତ ଜୀବନରେ ସ୍ନେହ ସଂପ୍ରୀତିର ସୁଧା ସମାହାର ବସୁନ୍ଧୈବ କୁଟମ୍ବରେ ।। ଅସରା ଆଶିଷ ବହଳ ବିଶ୍ଵାସ ନିଖିଳର ଅଭିଳାଷ ଚିର ସୁଖପ୍ରଦା ଏ ମାଟି ବସୁଧା ବିଶ୍ଵ ପ୍ରାଣ କରେ ତୋଷ ।। ମହା ବିଶ୍ଵ ଧାତ୍ରୀ ଶ୍ୟମଳ ଧରିତ୍ରୀ ପ୍ରାଣଦାୟୀ ଚିରନ୍ତନୀ ଜନ୍ମଜନ୍ମାନ୍ତରେ ପ୍ରାଣେପ୍ରାଣେଭରେ ପ୍ରଶାନ୍ତିର ସଞ୍ଜୀବନୀ ।। ବସୁଧା ଅଙ୍ଗନେ ସୁଧା ମଧୁପାନେ ନିଃସର୍ଗ ଜୀବନ ଧାରା ପାବନ ପଣତେ ବାନ୍ଧିଛି ନିରତେ ଏଜୀବ ଜଗତ ସାରା ।। କେଶ ଦୁରା ପାଳ, କେନ୍ଦୁଝର