ଅର୍ଚ୍ଚନା ରଚନା 

  ଦିଲ୍ଲୀପ କୁମାର ନନ୍ଦୀ 

ଅର୍ଚ୍ଚନା ରଚନା ଲେଖୁଛକି ନନା

ରାଜ୍ୟ ସାରା ଦେଖ ଉଡ଼ୁଛି ବାନା

ଅଲାଜୁକ ପରା ପଚାରୁଛି ଆହେ

ବେହିଆକୁ ଟିକେ ପଛକୁ ଅନା

ବଥଟା ହୋଇଛି ଏଇଠି ସିନା

ନିର୍ଲଜ ପଣରେ ମୁହଁକୁ ହଲେଇ

କହୁଛନ୍ତି ଆମେ ନିର୍ମଳ ସିନା।।

କିମଧୁ ଥିଲା ଯେ’ ମଧୁପ ଭୁଲିଲା

ମର୍ଦ ମଧୁ ପାଇଁ ମତ୍ତୁଆଲା 

ସୁଵର୍ଣ୍ଣ ପିଆଲା ଠାରୁ ସେ ରଙ୍ଗୀଲା

ରଙ୍ଗେ ଭୁଲାଇଲା ସେ ନବିନା

ଆହାଃ କି ସୁନ୍ଦର ମଧୁବାଳା 

ମଧୁଶାଳାରେ ତ ମଧୁର ମତିରେ 

ରଙ୍ଗ ଅଧରେ ତା’ଚୁମୁଥିଲା।।

ଧନ୍ୟ ପ୍ରଶାସନ, ମନ୍ତିରୀ ଯନ୍ତିରୀ

ତନ୍ତିରୀ ବି ସେଠି ବୁଡୁଥିଲା

ସତେ ଗଙ୍ଗା ଜଳ ଆହାଃ କି ନିର୍ମଳ

ଚଳୁକରି ଚଳେ ପିଉଥିଲା

ତଣ୍ଟିରେ ଅବାକି ଅଟକିଲା

ଦେଖି ଶୁଣି ଏଠି ଚୁଉପୁ ରହୁଛି

ଜନତା ଭକୁଆ ରହେ ସିନା।।

ଛୁଞ୍ଚି ତ ପଡ଼ିଲେ ନବଖଣ୍ଡ ଏଠି

ଉପର ପାହାଚେ ଭାରି ଲୀଳା

ସାଧରଣ ଯଦି ଛୁଇଁଲା କେଉଁଠି

ମାରା ହୋଇଯାନ୍ତି ସର୍ବଗୀଳା

ତୁମେ କରୁଥିଲେ ସବୁ ଲୀଳା 

ଛୁଇଁଲେ ଆଉ କେ’ନିଏ କିଳା

ଜନତା ଏଇଠି ଚୁପ୍ ରହୁଛି

ଉଚିତ୍ କାଳରେ ସୁ- ଚିନ୍ତା କରି ସେ

ନିଶ୍ଚିନ୍ତ ଦେବ ଅଚଞ୍ଛା କିଳା।।

 ଧର୍ମଶାଳା, ଯାଜପୁର