ମନ ଆକାଶ ରେ ଜହ୍ନ

ନଳିନୀ ପ୍ରଭା ମିଶ୍ର

ମନ ଆକାଶର ଜହ୍ନ ଗୋ ତୁମେ !

  ମୁଁ ସରସୀ ର ନୀଳ କଇଁ

ଯୁଗ ଯୁଗ ଧରି ଆମରି ସମ୍ପର୍କ

  ଆବିଳତା କିଛି ନାହିଁ।

ସାନ୍ଧ୍ୟ ଆକାଶରେ ତୁମ ଆବିର୍ଭାବ

   ମନ ଆକାଶର ଜହ୍ନ 

ତୁମ ! ଆଗମନେ ମୋ ମନ 

  ସାଗର ହୁଅଇ ଉଦ୍ ବେଳନ।

ସମ୍ପର୍କ ଭାବଟି ଏପରି ନିବିଡ

  ଯେଉଁଠି ବାସ୍ତବ ପ୍ରେମ

ନିବିଡ ମାୟାର ବନ୍ଧନ ର 

  ଡୋର ନାହିଁ ସେଠି ବ୍ୟତିକ୍ରମ।

ପ୍ରେମର ଉଜାଣି ଯୋଜନ କୁ 

 ‌ଡେଇଁ ଆମ ସମ୍ପର୍କର ରେଖା

ନୀଳ ନୀରବତା କାହାଣୀ ରଚିଛି

   ନୀଳ ନୀଳ ଉପତ୍ୟକା।

ଶାଶ୍ବତ ଆମ ଅମର ପ୍ରେମ

  ଜ୍ଵଳନ୍ତ ଦୃଷ୍ଟାନ୍ତ ଏକ

ସୃଷ୍ଟି ସର୍ଜନା ର ଚିରନ୍ତନ ରୀତି

  ହୋଇଅଛି ଅଭିଲେଖ।

ମୁକୁନ୍ଦ ପୁର, ଆସ୍କା, ଗଞ୍ଜାମ