ଧର୍ମଗଡ:୨୬/୧୦/୨୨: ଧର୍ମଗଡ ବିଜୁ କଲ୍ୟାଣ ମଣ୍ଡପ ଠାରେ କୃଷି ଓ କୃଷକ ସଶକ୍ତିକରଣ ବିଭାଗ, ଓଡ଼ିଶା ସରକାର ଙ୍କ ନିର୍ଦ୍ଦେଶ କ୍ରମେ ଧର୍ମଗଡ କୃଷି ଜିଲ୍ଲା ଅଧିକାରୀ ଙ୍କ ସୌଜନ୍ୟ ରେ କୃଷିରେ ସଘନ ସମ୍ପ୍ରସାରଣ ଅଭିଯାନ ଅନ୍ତର୍ଗତ ସହାୟକ ସମ୍ପ୍ରସାରଣ କର୍ମୀଙ୍କ ଦୁଇ ଦିନିଆ ପ୍ରଶିକ୍ଷଣ ଓ ସଚେତନତା କର୍ମଶାଳା ଆଜି ଆରମ୍ଭ ହୋଇଛି । ଧର୍ମଗଡ କୃଷି ଜିଲ୍ଲା ଅଧିକାରୀ, ଜାମି ସୂର୍ଯ୍ୟ ରାଓ ମୂଖ୍ୟ ଅତିଥି ଭାବେ ଯୋଗ ଦେଇ କର୍ମଶାଳା କୁ ପ୍ରଦୀପ ପ୍ରଜ୍ବଳନ କରି ଉଦଘାଟନ କରିଥିଲେ । 
ଅନ୍ୟ ମାନଙ୍କ ମଧ୍ୟରେ ଅତିରିକ୍ତ ଉଦ୍ୟାନ ନିର୍ଦ୍ଦେଶକ ଟଙ୍କଧର କାଲୋ, ଗୋଷ୍ଠି କୃଷି ଅଧିକାରୀ ଧର୍ମଗଡ, ସହକାରୀ କୃଷି ଅଧିକାରୀ ଜୁନାଗଡ଼, ଓ ଧର୍ମଗଡ ପ୍ରମୁଖ ଉପସ୍ଥିତ ରହି କୃଷି ଓ କୃଷକ ଙ୍କ ପାଇଁ ଗ୍ରହଣ କରାଯାଉଥିବା ବିଭିନ୍ନ ସରକାରୀ ଯୋଜନା, ସରକାରୀ ସହାୟତା ଓ ଏହାର ସଫଳ ରୂପାୟନ ସମ୍ପର୍କ ରେ ପ୍ରଶିକ୍ଷଣ ପ୍ରଦାନ କରିଥିଲେ । ଧର୍ମଗଡ କୃଷି ଜିଲ୍ଲା ଅଧିନସ୍ଥ କୋକସରା, ଗୋଲାମୁଣ୍ଡା ଓ ଧର୍ମଗଡ ବ୍ଲକ ର ଶତାଧିକ ଗ୍ରାମ୍ୟ କୃଷି କର୍ମଚାରୀ, କୃଷକ ସାଥି ଓ ଗ୍ରାମ୍ୟ ଏଟିଏମ୍ ମାନେ ଏହି କର୍ମଶାଳା ରେ ଯୋଗ ଦେଇ ଥିଲେ ।
ଧର୍ମଗଡ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ୍
