ଉପ ଜିଲ୍ଲାପାଳ ଙ୍କ ହସ୍ତକ୍ଷେପ ସତ୍ତ୍ୱେ ସମାଧାନ ର ବାଟ ବାହାରି ପାରିଲା ନାହିଁ
ଧର୍ମଗଡ:୨୬/୧୦/୨୨: ଧର୍ମଗଡ ବ୍ଲକ ଅନ୍ତର୍ଗତ ବେହେରା ସ୍ଥିତ କସ୍ତୁରବା ଗାନ୍ଧୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ରେ କାର୍ଯ୍ୟରତ ଭାରା ପ୍ରାପ୍ତ ପ୍ରଧାନ ଶିକ୍ଷୟତ୍ରୀ ରାଜ କୁମାରୀ ନାଏକ ଙ୍କୁ ତୁରନ୍ତ ବଦଳି କରିବା ଦାବୀ ନେଇ ଆଜି ସ୍କୁଲ ପରିଚାଳନା କମିଟି ଓ ଗ୍ରାମ ବାସୀ ଙ୍କ ପକ୍ଷ ରୁ ବିଦ୍ୟାଳୟ ରେ ତାଲା ପକାଇ ଆନ୍ଦୋଳନ କରା ଯାଇଛି । 
ଭାରା ପ୍ରାପ୍ତ ପ୍ରଧାନ ଶିକ୍ଷୟତ୍ରୀ ବିଭିନ୍ନ ସମୟ ରେ ବିଦ୍ୟାଳୟ ପରିଚାଳନା ରେ ଅନିୟମିତତା କରିଥିବା, ପରିଚାଳନା କମିଟି ସଦସ୍ୟ ଙ୍କୁ ଅଣ ଦେଖା କରି ମନ ଇଛା ସ୍କୁଲ ପରିଚାଳନା କରୁଥିବା ଅଭିଯୋଗ ନେଇ ସ୍କୁଲ ପରିଚାଳନା କମିଟି ଓ ଗ୍ରାମ ବାସୀ ଙ୍କ ପକ୍ଷ ରୁ ଗତ କିଛି ଦିନ ତଳେ ବ୍ଲକ ଶିକ୍ଷା ଅଧିକାରୀ ଙ୍କୁ ଲିଖିତ ଅଭିଯୋଗ କରିବା ସହ ତାଙ୍କୁ ତୁରନ୍ତ ବଦଳି ପାଈ ଦାବୀ କରା ଯାଇଥିଲା । ତେବେ ବିଭାଗ ପକ୍ଷରୁ ଏହା ଉପରେ କୌଣସି ପଦକ୍ଷେପ ନିଆନଯିବାରୁ ବାଧ୍ୟ ହୋଇ ଆଜି ଗ୍ରାମ ବାସୀ ବିଦ୍ୟାଳୟ ଗେଟ ରେ ତାଲା ବନ୍ଦ କରି ଆନ୍ଦୋଳନ କରିଥିଲେ । ଖବର ପାଇ ଧର୍ମଗଡ ଉପ ଜିଲ୍ଲାପାଳ ବେଦ ଭୂଷଣ, ଉପଖଣ୍ଡ ପୋଲିସ ଅଧିକାରୀ ଧିରଜ ଚୋପଦାର , ବ୍ଲକ ଶିକ୍ଷାଧିକାରି ନବ କିଶୋର ସାହୁ ପ୍ରମୁଖ ଆନ୍ଦୋଳନସ୍ଥଳ ରେ ପହଞ୍ଚି ଆନ୍ଦୋଳନ କାରୀ ଙ୍କ ସହ ଆଲୋଚନା କରିଥିଲେ ।
କିନ୍ତୁ ପ୍ରଧାନ ଶିକ୍ଷୟତ୍ରୀ ଙ୍କ ତୁରନ୍ତ ବଦଳି ନ ହେବା ପର୍ଯ୍ୟନ୍ତ ଏହି ଆନ୍ଦୋଳନ ଚାଲୁ ରହିବ ବୋଲି ଆନ୍ଦୋଳନ କାରୀ ମାନେ କହି ଥିଲେ । ଫଳ ରେ କୌଣସି ସମାଧାନ ହୋଇ ପାରିନଥିଲା । ଅପରାହ୍ନ ୪ଟା ସ୍କୁଲ ସମୟ ଅତିକ୍ରାନ୍ତ ହେବା ପରେ ଆନ୍ଦୋଳନକାରୀ ମାନେ ଆନ୍ଦୋଳନ କୁ ସ୍ଥଗିତ ରଖି ଥିଲେ । ଆସନ୍ତା କାଲି ମଧ୍ୟ ଏହି ଆନ୍ଦୋଳନ ଜାରି ରହିବ ବୋଲି ଆନ୍ଦୋଳନ କାରୀ ମାନେ କହିଛନ୍ତି । ଏହି ଘଟଣା ସମ୍ପର୍କରେ ଧର୍ମଗଡ ଉପ ଜିଲ୍ଲାପାଳ ବେଦ ଭୂଷଣ ଙ୍କୁ ଯୋଗା ଯୋଗ କରିବାରୁ ସେ ଏହି ବିଷୟ ରେ କଳାହାଣ୍ଡି ଜିଲ୍ଲାପାଳ ଓ ଜିଲ୍ଲା ଶିକ୍ଷାଧିକାରୀ ଙ୍କୁ ସୂଚନା ଦେଇଛନ୍ତି ଏବଂ ତୁରନ୍ତ ଏ ବିଷୟ ଉପରେ ପ୍ରତିକାର କରାଯିବ ବୋଲି କହିଥିଲେ । ତେବେ ଆସନ୍ତା କାଲି ୨୭ତାରିଖ ଠାରୁ ନବମ ଶ୍ରେଣୀ ପ୍ରଥମ ସମେଟିଭ ପରୀକ୍ଷା ଆରମ୍ଭ ହେଉଥିବାରୁ ଏହାକୁ ନେଇ ଛାତ୍ର ଛାତ୍ରୀ ଓ ଅଭିଭାବକ ମାନେ ଚିନ୍ତା ରେ ରହିଛନ୍ତି ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ୍
