ସକାଳର ଜଣାଣ
ଅଧା ଗଢା ଦିଅଁ
ବିଜୟ କୁମାର ଜେନା
ଅଧା ଗଢା ଦିଅଁ କେଡେ ସୁନ୍ଦର ହୋ
କୋଟି ମନ ନିଏ କିଣି
ଯେତେ ଦେଖୁଥିଲେ ପାଖରୁ ତାହାର
ଆଖି ନେଉଥାଏ ଟାଣି।
ମନ କଥା ଖୋଲି କହିଦେଲେ ସିଏ
ହୋଇଥାନ୍ତି ଆପଣାର
ଅନେକ ଜନ୍ମର ପାପ ହଟିଯାଏ
ବନ୍ଧନ ଯେ ହୁଏ ଦୂର।
ଗରୁଡ଼ ସ୍ତମ୍ଭକୁ କୁଣ୍ଢାଇ ପକାଇ
ଦି ଟୋପା ଲୋତକ ଢାଳି
ଜଗା ଆଖି ସହ ଆଖିକୁ ମିଶାଇ
ଥରେ କୁହ ବନମାଳୀ ।
ସଂସାର ଲାଗିଲା ମୋ କଥା ବୁଝିବୁ
ତୋ ପଦେ ଗଲି ଶରଣ
ଯେତେ କାଳ ମୋତେ ବଞ୍ଚାଇ ରଖିବୁ
ଗାଉଥିବି ତୋର ନାମ।
ଅନୁଭବେ ତୋତେ ନିତି ମୁଁ ଆଣୁଛି
ସପନରେ ଜାଗରଣେ
ତୋ ଲାଗି ବଞ୍ଚିଛି ସତରେ କାଳିଆ
ପାଶୋରି ଯିବୁନି କେଣେ।
ଅବସର ପ୍ରାପ୍ତ ପ୍ରାଧ୍ୟାପକ
ଶାମୁକା ସାହି ରଣପୁର ନୟାଗଡ଼
