ଚିଲିଗୁଡା-/ କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକ ଅନ୍ତର୍ଗତ ବଣିଜରା ଗ୍ରାମ ପଞ୍ଚାୟତ କର୍ଲାକୋଟ ଗ୍ରାମର ପ୍ରାଥମିକ ବିଦ୍ୟାଳୟ କୋଠା ଏବେ ବିପଦ ସଂକୁଳ ଅବସ୍ଥାରେ ପଡିରହିଛି । ଏହି ବିଦ୍ୟାଳୟରେ ପ୍ରଥମ ରୁ ପଞ୍ଚମ ଶ୍ରେଣୀ ଯାଏ ୬୨ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ଶିକ୍ଷା ଦାନ ପାଇଁ ୨ ଜଣ ଶିକ୍ଷକ ରହିଛନ୍ତି । ତେବେ ଶ୍ରେଣୀ କୋଠରୀ ଗୁଡିକ ବିପଦ ସଂକୁଳ ଅବସ୍ଥାରେ ରହିଥିବା ବେଳେ କେତେ ବେଳେ ମଧ୍ୟ ଭାଙ୍ଗି ଯିବ ସେ ନେଇ ଭୟ ଲାଗି ରହିଛି ।
କୋଠା ଗୁଡିକର ଛାତ ଫାଟି ଆଁ କରି ଥିବା ବେଳେ ଖପର ,ପାଟି ଗୁଡିକ ନଷ୍ଟ ହୋଇ ଯାଇଛି ।ଏପରିକି ଅଫିସ କୋଠରୀ ମଧ୍ୟ ଠିକ ନାହିଁ । ତେବେ ଶ୍ରେଣୀ ଗୃହ ଭଙ୍ଗା ଦଦରା ଅବସ୍ଥାରେ ରହିଥିବାରୁ ଛାତ୍ରଛାତ୍ରୀ ମାନେ ବାଧ୍ୟ ହୋଇ ବାରଣ୍ଡାରେ ବସି ପାଠ ପଢୁଛନ୍ତି ।ଏ ସମ୍ପର୍କରେ ବିଦ୍ୟାଳୟ ର ପ୍ରଧାନ ଶିକ୍ଷକ ସୁନୀଲ କୁମାର ମେହେରଙ୍କୁ ପଚାରିବାରୁ ଏ ବିଷୟରେ ପଂଚାୟତରେ ଦୃଷ୍ଟି ଆକର୍ଷଣ କରାଯାଇଛି ହେଲେ ସ୍କୁଲ ଗୃହଟି ମହାଜନ ଜାଗାରେ ରହିଥିବାରୁ ନୂତନ ଶ୍ରେଣୀ ଗୃହ ନିର୍ମାଣ ହୋଇପାରୁନାହିଁ । ଯାହା ଫଳରେ ଛାତ୍ର ଛାତ୍ରୀ ଅସୁବିଧା ଭୋଗୁଛନ୍ତି ବୋଲି କହିଛନ୍ତି ।ଜିଲ୍ଲା ପ୍ରଶାସନ ତୁରନ୍ତ ବିକଳ୍ପ ବ୍ୟବସ୍ଥା ଗ୍ରହଣ କରି ନୂତନ ଶ୍ରେଣୀ ଗୃହ ନିର୍ମାଣ ଦିଗରେ ପଦକ୍ଷେପ ଗ୍ରହଣ କରିବାକୁ ଶିକ୍ଷା କମିଟି ତଥା ଗ୍ରାମ ବାସୀ ଦାବି କରିଛନ୍ତି ।
ସୁନ୍ଦର ମୋହନ ଛତ୍ରିଆ ,ଚିଲିଗୁଡା
