ବୌଦ୍ଧ – 31/10 – ନେହେରୁ ଯୁବ କେନ୍ଦ୍ର ବୌଦ୍ଧbତରଫରୁ ଆଇ ଟି ଆଇ ଶିକ୍ଷାନୁଷ୍ଠାନରେ କ୍ଲିନ୍ ଇଣ୍ଡିଆ କାର୍ଯ୍ୟକ୍ରମ ର ପରିସମାପ୍ତି ହୋଇଯାଇଛି। ଅନୁଷ୍ଠାନର ଅଧ୍ୟକ୍ଷ ତତ୍ତ୍ଵାବଧାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ନେହେରୁ ଯୁବ କେନ୍ଦ୍ର ବୌଦ୍ଧ ର ଜାତୀୟ ଯୁବ ସ୍ଵେଚ୍ଛାସେବୀ ମନୋଜ ଭୋକ୍ତା,ପ୍ରବୀଣା କର୍ଣ୍ଣ ଓ ସୁପ୍ରିୟା ଦେହୁରୀ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ। ଜିଲ୍ଲା ର ଅଗ୍ରଣୀ ସ୍ଵେଚ୍ଛାସେବୀ ଅନୁଷ୍ଠାନ ଲୋକ କଳା ବିକାଶ କେନ୍ଦ୍ରର ସ୍ଵେଚ୍ଛାସେବୀ ବୁଦ୍ଧଦେବ ପ୍ରଧାନ, ପ୍ରତାପ ମେହେର ଓ ଶିଳ୍ପାରାଣୀ ବେହେରା ପ୍ରମୁଖ ଏହି କାର୍ଯ୍ୟକ୍ରମରେ ସକ୍ରିୟ ଅଂଶ ଗ୍ରହଣ କରିଥିଲେ । ସ୍ଥାନୀୟ କ୍ଲବ ର ସ୍ଵେଚ୍ଛାସେବୀ ଏବଂ ଅନୁଷ୍ଠାନର ଛାତ୍ର ଛାତ୍ରୀ ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ । ସ୍ଵେଚ୍ଛାସେବୀ ସୁପ୍ରିୟା ଦେହୁରୀ କାର୍ଯ୍ୟକ୍ରମର ଲକ୍ଷ୍ୟ ଉଦ୍ଦେଶ୍ୟ ବିଷୟରେ ସମ୍ୟକ୍ ରେ ଜଣେଇବା ପରେ ଅନୁଷ୍ଠାନର ପାରିପାର୍ଶ୍ବିକ ରେ ପଡ଼ିଥିବା ପଲିଥିନ ଗୁଡ଼ିକ ଏକତ୍ର କରି ସମ୍ପୂର୍ଣ୍ଣ ପରିସର ର ସଫେଇ କାର୍ଯ୍ୟ କରାଯାଇଥିଲା ଏହି କାର୍ଯ୍ୟକ୍ରମରେ ଆଇଟି ଆଇ ର ଆସିଷ୍ଟାଣ୍ଟ ଅଧ୍ୟାପକ ଶ୍ରୀଯୁକ୍ତ ମକରଧଜ୍ଵ ପାଢ଼ୀ ,ଶ୍ରୀଯୁକ୍ତ ଦେବବ୍ରତ ସାହାଣୀ ପ୍ରମୁଖ ଉପସ୍ଥିତ ରହି ସଫେଇ କାର୍ଯ୍ୟ କୁ ପରିଚାଳନା କରିଥିଲେ।ଶେଷରେ ନେହେରୁ ଯୁବ କେନ୍ଦ୍ର ବୌଦ୍ଧ ର ଜାତୀୟ ଯୁବ ସ୍ଵେଚ୍ଛାସେବୀ ପ୍ରବୀଣା କର୍ଣ୍ଣ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ।
ବୌଦ୍ଧରୁ ଜ଼ିଲ୍ଲା ପ୍ରତିନିଧି ହୃଦାନନ୍ଦ ମେହେରଙ୍କ ରିପୋର୍ଟ ମସିହା ନିୟୁଜ