ଜଣାଣ

ମାନଗୋବିନ୍ଦ ସ୍ବାଇଁ

ଜଞ୍ଜାଳ ବଢୁଛି ଚିନ୍ତା ବି ବଢୁଛି

    ଘରକୁ ବେକାର ଜନ

ସଂସାର ଭିତରେ ଦୁଃଖ କଷ୍ଟ ସହି

    ସମାଧାନ ଭଗବାନ।

ସକାଳ ପବନ ଶରୀର ଉତ୍ତମ

       ପ୍ରଭାତ ସ୍ନାନ ଦର୍ଶନ

ଗୁହାରୀ ଜଣାଇ ପ୍ରାର୍ଥନା କରୁଛି

      ସୁଖେ ଯାଉ ଆଜ ଦିନ।

ମଙ୍ଗଳ ଆରତୀ ଘେନ ମୋ ମିନତି

      ପୃଥିବୀରୁ ଦୁଃଖ ଯାଉ

ପ୍ରଶାନ୍ତି ଦିଅନ୍ତୁ ସରବ ହୃଦୟେ

     ଆର୍ଶିବାଦ ମହାବାହୁ।

କହି କହି କଥା ଚିନ୍ତା ବଢେ ମଥା

      ଭାରା ମୋ ମୁଣ୍ଡ ଉପରେ

 ଲାଗୁ ନାହିଁ ନିଦ ଅନିଦ୍ରା ହେଉଛି

      ଶାନ୍ତି ଦିଅ ହୃଦୟରେ।

ଚିନ୍ତା ର ମଣିଷ ପ୍ରଭୁ ଆଶା ବଞ୍ଚେ

     ଭରସା ତାହା ଠାକୁର

ଭଜନ କୀର୍ତ୍ତନ ସମୟ ଦେଉଛି

       ପ୍ରଭୁ ନାମ ଏକ ମାତ୍ର।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା