Uncategorizedଦିଲ୍ଲୀପ କୁମାର ନନ୍ଦୀ ଙ୍କ କବିତା ଜଗନ୍ନାଥଙ୍କୁ ମୋର ଖୋଲା ଚିଠି by Sunil Chandra NayakNovember 25, 2022057 Share1 ଜଗନ୍ନାଥଙ୍କୁ ମୋର ଖୋଲା ଚିଠି ଦିଲ୍ଲୀପ କୁମାର ନନ୍ଦୀ ମାନ ଅଭିମାନେ କହିଥିଲି ପ୍ରଭୁ ଆଉ ଲେଖିବିନି ତୁମକୁ ଚିଠି ମନ ମୋ’ ହେଉଛି ଘାଣ୍ଟି ଗୋଳେଇ କୋଉଠି କିଛି ମୁଁ ଛାଡ଼ି ଦେଲିକି ଜଗନ୍ନାଥଙ୍କୁ ମୋର ଖୋଲା ଚିଠି।। ଦେଉନି ବେରିଙ୍ଗି କରୁନି ରେଜେଷ୍ଟ୍ରି ସମୟ ସାପେକ୍ଷ କାଳେ ହେବଟି ଯଉମୁଦ ଦେଇ ପଠାଇଲେ ପ୍ରଭୁ ଖୋଲିଲା ବେଳକୁ ଚି଼ରି ଯିବଟି।। ଜଗନ୍ନାଥଙ୍କୁ ମୋର ଖୋଲା ଚିଠି….. ପଢିଲା ବେଳକୁ ଅସୁବିଧା ହେବ ଅଧା ପଢ଼ି ଅଧା ରହି ଯିବଟି ମୋ’ଦୁଃଖ କାହାଣୀ ଲେଖିଛି ବଖାଣି କାଳେ କିଛି ବାକି ରହି ଯିବଟି।। ଜଗନ୍ନାଥଙ୍କୁ ମୋର ଖୋଲା ଚିଠି…… ମନ କାଗଜରେ ହୃଦୟ କଲମେ ଲୁହର କାଳିରେ ଲେଖୁଛି ଚିଠି ବସିବା ପାଖରୁ ଉଠି ଆସି ପ୍ରଭୁ ଦୀନ ବୋଲି ହେଳା କରିବନି ଟି।। ଜଗନ୍ନାଥଙ୍କୁ ମୋର ଖୋଲା ଚିଠି…… ଦୀନ ଅକିଞ୍ଚନ ଖୋଲା ହୃଦୟରୁ ଲେଖୁଛି ତୁମକୁ ଏ ଖୋଲା ଚିଠି ଆଶା ବାନ୍ଧିଛି ମୁଁ ଆଶ୍ଵସନା କିଛି ନିଶ୍ଚେ ଦୀନବନ୍ଧୁ କିଛି ଦେବଟି।। ଜଗନ୍ନାଥଙ୍କୁ ମୋର ଖୋଲା ଚିଠି….(ଘୋଷା) ଧର୍ମଶାଳା, ଯାଜପୁର