ଆଜି ମନ ଖୋଲି କହିବି

କବି ସୌରଭ ବୈଜୟନ୍ତୀ ମାଳା ମହାପାତ୍ର

ପିଲା ବେଳୁ ବେଶୀ ନଖରାମି ମୋର

ହସରେ କଥା ଉଡାଇବି

ଗାଳି ଖାଇଦେଲେ ସଜାଗ ହୋଇକି 

ପଛକୁ ଫେରି ନ ଚାହିଁବି

ଆଜି ମନ ଖୋଲି କହିବି….(୦)

ଭଲରେ ଭଲ ମୁଁ ମନ୍ଦରେ ବି ଭଲ

କାହା କଥା କେବେ ଧରେନି

ସବୁ ଭୁଲିଯାଏ ସୁଖ ଦୁଃଖ ମୋର

ତେଣୁ କଷ୍ଟ କେବେ ହୁଏନି

ହସୁଥାଏ ସଦା ଦୂର ହୁଏ ବାଧା

କାହା ସାଥେ କିଆଁ ଲଢ଼ିବି…(୧)

ଦୟା ଧର୍ମ କ୍ଷମା ନ୍ୟାୟର ପଥରେ

ଚାଲିବୁ ତୁ ସଦା ଜୀବନେ 

ବୋଲି ମୋର ବୋଉ କହି ଯାଇଛନ୍ତି

ଗଣ୍ଠି ପକାଇଛି ତା ମନେ

ଜୀବ ଠାରେ ଦୟା ନାମରେ ବିଶ୍ଵାସ

ରଖି ସୁଖ ଦୁଃଖ ସହିବି….(୨)

ଏ ଜୀବନ ମୋର ଅତୀବ ସୁନ୍ଦର 

କିମ୍ପା କାହା ସହ କଜିଆ

କରିବି ତୁଛାରେ କଷ୍ଟ ଭୋଗିବାକୁ

ଥରାଇବାକୁ ମୋର ହିଆ

ଯେତେ ଦିନ ଥିବି ମନ କିଣୁଥିବି

ସଭିଙ୍କୁ ଆପଣା କରିବି….(୩)

ଫୁଲବାଣୀ, କନ୍ଧମାଳ