କୋକସରା,୭/୯- ( ମ ନି ସ ) କଳାହାଣ୍ଡି ଜିଲ୍ଲା କୋକସରା ବ୍ଲକ ଇନ୍ଦ୍ରାବତୀ ଉଠା ଜଳସେଚନ କେନାଲ ଅଁଳାଗୁଡା ନିକଟରେ ବୁଧବାର ଏକ ବଳଦ କେନାଲ ଭିତରେ ଖସିପଡ଼ି କେନାଲର ପ୍ରବଳ ସ୍ରୋତ ରେ ଭାସିଯାଇ ଜୀବନ ମରଣ ସହ ସଙ୍ଘର୍ଷ କରୁଥିଲା। କିଛି ସ୍ଥାନୀୟ ଲୋକେ ଦେଖି ବଳଦ କୁ ଉଦ୍ଧାର କରିବା ପାଇଁ ବହୁତ ଚେଷ୍ଟା କରିଥିଲେ କିନ୍ତୁ ଉଦ୍ଧାର କରିବାରେ ବିଫଳ ହୋଇଥିଲେ । ପରେ ଏ ନେଇ କୋକସରା ଦମକଳ କର୍ମଚାରୀଙ୍କୁ ଖବର ଦେବାପରେ ଘଟଣାସ୍ଥଳରେ ଦମକଳ କର୍ମଚାରୀ ପହଞ୍ଚି କୌଶଳ କ୍ରମେ କେନାଲ ପାଣିରୁ ଅକ୍ଷତ ଅବସ୍ଥାରେ ବଳଦକୁ ଉଦ୍ଧାର କରିଥିଲେ। ବଳଦ ର ସ୍ବାସ୍ଥ୍ୟ ଅବସ୍ଥା ଠିକ୍ ଥିବାବେଳେ ଅଁଲାଗୁଡା ଗ୍ରାମର ବଳଦ ମାଲିକ ପରମେଶ୍ବର ଖଡିକାରଙ୍କୁ ହସ୍ତାନ୍ତର କରାଯାଇଛି।
next post