ନୂଆପଡ଼ା : ନୂଆପଡ଼ା ଜିଲ୍ଲା ଖରିଆରରୋଡ଼ ନିୟମିତ ବଜାର କମିଟି ଠାରେ ଆଜି ନୂଆପଡ଼ା ଜିଲ୍ଲାପାଳ ହେମକାନ୍ତ ସାୟ ଙ୍କ କର କମଳରେ ଧାନମଣ୍ଡି ଶୁଭ ଉଦଘାଟନ ହୋଇଯାଇଛି । ଏହି ଅବସରରେ ପୂଜା ପାଠ ସହ ଜିଲ୍ଲାପାଳ ନଡ଼ିଆ ଭାଙ୍ଗି ମଣ୍ଡି ଉଦଘାଟିତ କରିଥିଲେ । ଜିଲ୍ଲାରେ ଚଳିତ ବର୍ଷ ନୂଆପଡ଼ା ଜିଲ୍ଲାରେ ରେ ପ୍ରଥମ କରି ଧାନ ମଣ୍ଡି ଆଗୁଆ ଆରମ୍ଭ ହୋଇଥିବା ବେଳେ ଚାଷି ମାନେ କିଭଳି ନିଜ ଉତ୍ପାଦିତ ଧାନ ଠିକ ଭାବରେ ବିକିପରିବେ ସେ ନେଇ କହିଥିଲେ । 
ଏହି ଅବସରରେ ଅନ୍ୟ ମାନଙ୍କ ମଧ୍ୟରେ ଏ. ଆର. ସି. ଏସ. ଓ. ଉମା ଶଙ୍କର ଦାସ ଆର୍ ଏମ ସି ସେକ୍ରେଟାରୀ ବିବେକାନନ୍ଦ ମହାନନ୍ଦ, ଜି ପ୍ରଭାକର ପାତୁ । ଖରିଆରରୋଡ଼ ମଣ୍ଡି ସମ୍ପାଦକ କାନ୍ତିଲାଲ୍ ସାହୁ ପ୍ରେମ୍ ଲାଲ୍ ସାହୁ ମନୋଜ ସାହୁ ସମେତ ଚାଷୀ ମାନେ ଉପସ୍ଥିତ ଥିଲେ । ଗତ ବର୍ଷ ଧାନ କିଣା ବିକା ରେ ଚଷି ମାନେ ଭୋଗିଥିବା ସମସ୍ୟା ଉପସ୍ଥାନ କରିବା ସହ ଚଳିତ ବର୍ଷ ଧାନ ବିକ୍ରି ଟୋକନ୍ ରେ ଜମି ତୁଳନା ରେ କମ୍ ଧାନ ଆସିଥିବା ଅଭିଯୋଗ କରିଥିଲେ। ତୁରନ୍ତ ସମସ୍ୟା ର ସମାଧାନ ର ପ୍ରତିଶୃତି ଦେବାସହ ମଣ୍ଡି ଠିକ୍ ରେ ଚାଲିବାକୁ କହିଥିଲେ। ସେହି ପରି କଟନି ଛଟନି ପ୍ରଶ୍ନ ର ଉତ୍ତର ରେ ସବୁ ଚାଷୀ ଏଫ୍ ଏ କ୍ୟୁି ମାନର ଧାନ ଦିଅନ୍ତୁ ଉଚିତ୍ ମୂଲ୍ୟ ନିଅନ୍ତୁ ବୋଲି କହିଥିଲେ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
