ଦାରିଦ୍ର୍ୟ ଭଞ୍ଜନୀ ମହାଲକ୍ଷ୍ମୀ 

ଦାରିଦ୍ର୍ୟ ଭଞ୍ଜନୀ ମାଗୋ କମଳିନୀ

ବରୁଣ ରାଜ ନନ୍ଦିନୀ

ପରମ କଲ୍ୟାଣୀ ବିଷ୍ଣୁ ପାଟରାଣୀ

ମହାଲକ୍ଷ୍ମୀ ନାରାୟଣୀ

ଅଭୟ ଦାୟିନୀ ଶାନ୍ତି ପ୍ରଦାୟିନୀ

କମଳ ପୁଷ୍ପରେ ଶ୍ରଦ୍ଧା

ଦାରିଦ୍ର୍ୟ ଭଞ୍ଜନୀ ଦୁଃଖ ନିବାରଣୀ

ଯା ନାମେ ଘୁଞ୍ଚଇ ବାଧା

ପଡ଼ିଦାତ୍ରୀ ଲକ୍ଷ୍ମୀ ଠାକୁରାଣୀ ବୋଲି

ଭକ୍ତି ମନରେ ସୁମରି

ଗୁରୁବାର ଶୁକ୍ଳ ଦଶମୀ ତିଥିରେ

ପୂଜୁଥାନ୍ତି ନର ନାରୀ

ଦୟାକଲେ ଥରେ ଧନ, ଜନ, ଗୋପ

ଭଣ୍ଡାର ପସରା ମେଲି

ଭକ୍ତିରେ ପ୍ରସନ୍ନ ହୋଇଲେ ଜନନୀ

ମମତା ବନ୍ଧନ ଖୋଲି 

ବାଇ ଠାକୁରାଣୀ ଦୟା କରି ଥିବ

ନ ରହୁ ଦୁଃଖ କଷଣ

ଜଗତ କଲ୍ୟାଣ କର ମହାମାୟୀ

କରୁଛୁ ପାଦେ ବନ୍ଦନ

ଏହି ଆମ ନିବେଦନ

ବିଳାସିନୀ ପୃଷ୍ଟି

ଭୁବନ, ଢେଙ୍କାନାଳ