ଧର୍ମଗଡ:୪/୧୨/୨୨: ଧର୍ମଗଡ ବ୍ଲକ ଅନ୍ତର୍ଗତ ଜୟନ୍ତପୁର ର ଲତା ଡଙ୍ଗରୀ ଖେଳ ପଡିଆ ଠାରେ ଧବଳେଶ୍ଵର ମେମୋରିଆଲ କ୍ରିକେଟ ପ୍ରତିଯୋଗିତା ଉଦଘାଟିତ ହୋଇ ଯାଇଛି । ସ୍ବର୍ଗତ ଧବଳେଶ୍ୱର ନାଏକ ଙ୍କ ଧର୍ମପତ୍ନୀ ପୂର୍ବତନ ସରପଞ୍ଚ ଶ୍ରୀମତୀ ମାରୁଆ ନାଏକ ମୁଖ୍ୟ ଅତିଥି ଭାବେ ଯୋଗଦେଇ ପ୍ରତିଯୋଗିତା କୁ ଉଦଘାଟନ କରିଥିଲେ ।
ସମ୍ମାନିତ ଅତିଥି ଭାବେ ସରପଞ୍ଚ ଶ୍ରୀମତୀ ଜୟନ୍ତୀ ବାଗ, ସଭାପତି ଧନୁ ନାଏକ ପ୍ରମୁଖ ଯୋଗ ଦେଇ ଖେଳାଳୀ ଙ୍କୁ ଉତ୍ସାହିତ କରି ଥିଲେ । ଏହି ଅବସର ରେ ସରପଞ୍ଚ ଶ୍ରୀମତୀ ବାଗ ଖେଳ ପଡିଆ ର ମରାମତି ପାଇଁ ମନରେଗା ଯୋଜନା ରୁ ଅର୍ଥ ମଂଜୁର ହୋଇଥିବା ଏବଂ ଏଠାରେ ଏକ ମିନି ଷ୍ଟାଡିୟମ ନିର୍ମାଣ ପାଇଁ ସରକାର ଙ୍କ ଦ୍ଵାରା ୪ ଲକ୍ଷ ଟଙ୍କା ଯୋଗାଣ ନେଇ ସୂଚନା ଦେଇଥିଲେ ।ଚିଚିଆ ଓ ଡଙ୍ଗରିଗୁଡା ମଧ୍ୟ ରେ ଉଦଘାଟନୀ ମ୍ୟାଚ ଅନୁଷ୍ଠିତ ହୋଇ ଥିଲା । 
ଚିଚିଆ ଦଳ ୪୬ ରନ ରେ ବିଜୟୀ ହୋଇଥିଲା । ୫ୱିକେଟ ନେଇଥିବା ଚିଚିଆଦଳ ର ଜୟନ୍ତ କୁମାର ମେନ୍ ଅଫ ଦି ମ୍ୟାଚ ପୁରସ୍କାର ଲାଭ କରିଥିଲେ । ତପନ କୁମାର ସାଗର ଓ ଧନଞ୍ଜୟ ନାଏକ ଖେଳ ପରିଚାଳନା କରିଥିଲେ । ମୋଟ ୧୬ ଟି ଗ୍ରାମାଞ୍ଚଳ କ୍ରିକେଟ ଦଳ ଏହି ପ୍ରତିଯୋଗିତା ରେ ଭାଗ ନେଇ ଥିବା ବେଳେ ଆସନ୍ତା ୧୩ ତାରିଖ ରେ ଫାଇନାଲ ଖେଳ ଅନୁଷ୍ଠିତ ହେବ ବୋଲି ସୂଚନା ଦିଆ ଯାଇଛି ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ୍
