କୋକସରା,୪/୧୨- ଡିସେମ୍ବର ୩ ତାରିଖକୁ ବିଶ୍ୱ ଭିନ୍ନକ୍ଷମ ଦିବସ ଭାବେ ପାଳନ କରାଯାଉଥିବା ଏହି ଅବସରରେ ସମଗ୍ର ଶିକ୍ଷା କଳାହାଣ୍ଡି ପକ୍ଷରୁ ଶନିବାର କୋକସରା ବ୍ଲକ ଗୋଷ୍ଠି ଶିକ୍ଷା ବିଭାଗ ଅଧୀନରେ ଭିନ୍ନକ୍ଷମ ଛାତ୍ରଛାତ୍ରୀଙ୍କ ପାଇଁ ଗୋଷ୍ଠି ଅନ୍ତନିର୍ବେଶି ଶିକ୍ଷା ତାଲିମ ସାଧନ କେନ୍ଦ୍ରର ଶୁଭାରମ୍ଭ ହୋଇଛି। ଏହି ଅବସରରେ ନୋଡାଲ ସିଆରସି ବୈକୁଣ୍ଠ ଜାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଗୋଷ୍ଠି ଶିକ୍ଷା ବିଭାଗ ଅଧିକାରୀ ବିଆରସିସି ତୋଫାନ ମାଝୀ ଉପସ୍ଥିତ ରହି କେନ୍ଦ୍ରକୁ ଉଦଘାଟନ କରିଛନ୍ତି ଓ ଶିକ୍ଷା ବିଭାଗ ଦ୍ୱାରା ଭିନ୍ନକ୍ଷମ ଛାତ୍ରଛାତ୍ରୀଙ୍କ ପାଇଁ ରହିଥିବା ବିଭିନ୍ନ ଯୋଜନା ଉପରେ ପରାମର୍ଶ ଦେଇଥିଲେ । 
କାର୍ଯ୍ୟକ୍ରମରେ କାଉଡୋଳା ସିଆରସିସି ସୁମନ୍ତ ପ୍ରସାଦ ଠାକୁର ,ଦର୍ଲିପଡା ସିଆରସିସି ସୁବାସ ଚନ୍ଦ୍ର ବାଗ, ଟେମରା ସିଆରସିସି ସଂଜୟ କୁମାର ପୁଝାରି ଉପସ୍ଥିତ ଥିଲେ। କାର୍ଯ୍ୟକ୍ରମରେ ଭିନ୍ନକ୍ଷମ ଛାତ୍ରଛାତ୍ରୀ ସମେତ ତାଙ୍କ ଅଭିଭାବକ ମାନେ ଉପସ୍ଥିତ ରହିଥିଲେ। ବିଆରପି ଧନୁର୍ଯ୍ୟ ଗହୀର ଓ ଆଶିଷ କୁମାର ସାହୁ, ଯୁଗେଶ୍ୱର ବିଶି, ସାଧୁରାମ ପଟେଲ, ସୁଶାନ୍ତ ବେହେରା, ଈଶ୍ୱର ଛାତ୍ରୀଆ, ନରେନ୍ଦ୍ର ନାଏକ, ବିଶ୍ୱେଶ୍ୱରୀ ପଣ୍ଡା, ଦୁଶିଳା ମାଝୀ ପ୍ରମୁଖ କର୍ମଚାରୀ ମାନେ ସହଯୋଗ କରିଥିଲେ।
ମସିହା ନିଉଜ ସର୍ଭିସ୍
