ଏକା ଏକା ଭଲ ଲାଗେନା
ବିରହିଣୀ ଗାଏ ବିରହି ଗତୀତିକା
ହୋଇ ମନେ ଆନମନା
ନିଃସଙ୍ଗତା ପ୍ରାଣ ଲାଗେ ଫିକା ଫିକା
କାହାକୁ କହି ପାରେନା।।
ନିତି ଜିଏଁ ମରେ ପ୍ରତି ମୂହୁର୍ତ୍ତରେ
ଏକା ଏକା ଭଲ ଲାଗେନା
ତୁମ ମଧୁସ୍ମୃତି ଅବିରତେ ମୋର
ହୃଦୟେ ଦିଏ ଯାତନା।।
ବାସୁ ଥିଲା ପ୍ରେମ ବାସ୍ନା ଚାରିପାଖେ
ସାଥି ଥିଲ ପାଖେ ଯେବେ
ପ୍ରେମ ଫଗୁଣର ରଙ୍ଗରେ ଏ ମନ
ବୋଲି ହେଉଥାଏ ତେବେ।।
ମନ ପକ୍ଷୀ ମୋର ଆଶା ବିଶ୍ଵାସରେ
ଡେଣା ମେଲି ଉଡୁଥିଲା
ଭରଷାରେ ତୁମ ବାନ୍ଧିଥିଲା ନିଡ
କେତେ ସ୍ବପ୍ନ ଦେଖିଥିଲା।।
ଅସରନ୍ତି ଆଶା ମୁଠା ମୁଠା ସ୍ବପ୍ନ
ନିମିଷକେ କଲ ଚୁନା
ମିଛ ପ୍ରତିଶୃତି ଛଳନା ତୁମର
ବୁଝିଗଲି ଆଜି ସିନା।।
ତଥାପି ଚାଲୁଛି ଜୀବନର ବାଟ
ଆଜି ଏକା ଏକା ହୋଇ
ତୁମେ ଗଲାପରେ ନିଷ୍ପ୍ରାଭ ପ୍ରାଣଟା
ନିଇତି ଲୁହ ଝରାଇ।।
ତୁମେତ ସାଜିଲ ଅପହଞ୍ଚ ତାରା
ଜୀବନ ଆକାଶେ ମୋର
ଦେଖିବାକୁ ଥରେ ଚାହିଁଲେ ବି ମନ
ପାଏନା ପତ୍ତା ତୁମର।।
ହୃଦୟ ସ୍ପନ୍ଦନ ପ୍ରତିଟି ନିଶ୍ଵାସ
କହୁଥାଏ ତୁମ ନାମ
ବଞ୍ଚିବାର ସ୍ବାଦ ମିଳେ ନାହିଁ ଆଉ
ପ୍ରାଣ ମରୁଭୂମି ସମ।।।
ମମତା ସାହୁ
ଗାଈଗାଁ, କଳାହାଣ୍ଡି