କନ୍ଧମାଳ/ ୧୦/୧୨: କନ୍ଧମାଳ ଜିଲ୍ଲାରେ ଗ୍ରାମାଞ୍ଚଳ ଲୋକଙ୍କ ଯାତାୟାତ ସୁବିଧା ପାଇଁ ସରକାର ବିଭିନ୍ନ ଯୋଜନା କରିଛନ୍ତି। ଗ୍ରାମାଞ୍ଚଳ ଲୋକଙ୍କ ଗମନାଗମନ ସୁବିଧା ପାଇଁ କୋଟି କୋଟି ଟଙ୍କା ବ୍ୟୟ କରି ସ୍ଥାୟୀ ପିଚୁ ରାସ୍ତା ନିର୍ମାଣ କରାଯାଉଛି l ଗମନାଗମନ ସୁଦୃଢ଼ ହେଲେ ଅଞ୍ଚଳର ବିକାଶ ତ୍ୱରାନ୍ୱିତ ହୋଇପାରିବ। ଏନେଇ ସ୍ଥାନୀୟ ଲୋକ ପ୍ରତିନିଧି ଓ ବିଭିନ୍ନ ସଂଗଠନ ପକ୍ଷରୁ ନିଜ ଅଞ୍ଚଳରେ ପକ୍କା ରାସ୍ତା ଟିକିଏ ପାଇବା ପାଇଁ ଦାବୀ କରିଆସୁଛନ୍ତି। ଏହା ମଧ୍ୟ ରୁ ଗୋଟିଏ ଦାବୀ ହେଉଛି, ବାଳକିଡାଡି-କେଲାପଡା ରାସ୍ତା। ଏହି ମରଣଯନ୍ତା ରାସ୍ତା ନିର୍ମାଣ ପାଇଁ ସ୍ଥାନୀୟ ସରପଞ୍ଚ ବାରମ୍ବାର ଅଭିଯୋଗ କରି ଆସୁଥିଲେ।ଯାହା ଫଳରେ ଦୁଇଟି କିସ୍ତିରେ ପ୍ରାୟ ସଂପୂର୍ଣ୍ଣ ହୋଇପାରିଛି। ଆଉ ଏଥିରେ ୨କୋଟି ୮୫ ଲକ୍ଷ ୨୭ ହଜାର ଟଙ୍କା ବ୍ୟୟ ହୋଇଛି l ଏହି ରାସ୍ତା ନିର୍ମାଣ ପରେ ଅଞ୍ଚଳର ହଜାର ହଜାର ଲୋକେ ଉପକୃତ ହେବେ l ଏଥିପାଇଁ ସ୍ଥାନୀୟ ସରପଞ୍ଚ, ବିଭାଗୀୟ ଅଧିକାରୀ ଓ ଠିକାଦାରଙ୍କୁ ଧନ୍ୟବାଦ ଦେଇଛନ୍ତି। ଏହି ରାସ୍ତା କାମ ୨୭ ମେ ୨୦୨୧ରୁ ଆରମ୍ଭ ହୋଇ ୨୬ ଏପ୍ରିଲ ୨୨ରେ ସରିବା କଥା l ବିଭିନ୍ନ ସମସ୍ୟା ଯୋଗୁଁ ରାସ୍ତା ନିର୍ମାଣରେ କିଛିଟା ବିଳମ୍ବ ହୋଇଛି। ଆଉ ଅତି ଶୀଘ୍ର ରାସ୍ତା କାର୍ଯ୍ୟ ସରିଯିବ ବୋଲି ସହକାରୀ ଯନ୍ତ୍ରୀ ଇଂ ସୁଶୀଲ କୁମାର ମହାନ୍ତି କହିଛନ୍ତି l ତେବେ ରାସ୍ତା କାର୍ଯ୍ୟ ଯେପରି ଉନ୍ନତ ମାନର ଓ ଶୀଘ୍ର ସରିବ ସେଥି ପ୍ରତି ଦୃଷ୍ଟି ଦିଆଯାଇଥିବା ବିଭାଗୀୟ ଯନ୍ତ୍ରୀ କହିଛନ୍ତି l ଅଧିକ୍ଷଣ ଯନ୍ତ୍ରୀ ମଧ୍ୟ କାର୍ଯ୍ୟ ଯେପରି ଉନ୍ନତମାନର ହେବ ସେ ନେଇ ନିର୍ଦେଶ ଦେଇଥିବା ସେ ଆହୁରି କହିଛନ୍ତି l
previous post