କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ତେରେସିଂହା ଗ୍ରାମର ଓଁ ଶ୍ରୀ ଶ୍ରୀ ବିଜେ ନୀଳକଣ୍ଠେଶ୍ଵର ନାଗବାଚା ପୂଜା କମିଟି, ତେରେସିଂହା ପକ୍ଷରୁ ହେଉଥିବା ନାଗ ପୂଜା (ସାପ ଯାତ୍ରା) ଆଜି ସମ୍ପନ୍ନ ହୋଇଯାଇଛି l ଗତ ପାଞ୍ଚ ତାରିଖ ସୋମବାର ଠାରୁ ଏହି ପୂଜା ଆରମ୍ଭ ହୋଇଥିଲା l କାଲି ସୋମବାର ନଗର ପରିକ୍ରମା ଓ ଅପରାହ୍ନରେ ପୂଜା ମଣ୍ଡପରେ ପୂଜା କାର୍ଯ୍ୟ ସହ ଯାତ୍ରା ଅନୁଷ୍ଠିତ ହୋଇଥିଲା l ଭକ୍ତ (ବରୁଆ) ମାନଙ୍କ ଶରୀରରେ ଦେବାଦେବୀ ବିରାଜ ମାନ ହୋଇଥିଲେ l ଅତି ଭକ୍ତି ଓ ନିଷ୍ଠାର ସହ ଭକ୍ତ ମାନେ ଏହି ବ୍ରତ ପାଳନ କରିଥାନ୍ତି l ତା’ ପର ଦିନ ଅର୍ଥାତ୍ ଆଜି (ମଙ୍ଗଳବାର) ଗ୍ରାମ ଠାରୁ ଅଳ୍ପ ଦୂର ପୂଜାସ୍ଥଳି ଠାରେ ବିନୋ ପୂଜା ସହ ଏହି ଯାତ୍ରା ସମ୍ପନ୍ନ ହୋଇ ଯାଇଛି l ଏହି ଯାତ୍ରା ୧୯୮୪ ମସିହା ଠାରୁ ହୋଇ ଆସୁଅଛି l ଏଥିରେ ପୂଜକ ଭାବେ ବଳରାମ ଭୋଇ ଓ ରୁଦ୍ର ଭୋଇ ପୂଜା କାର୍ଯ୍ୟ ତୁଲାଇ ଥିଲେ l ନାଗବାଚା ପୂଜା କମିଟିର ସଭାପତି ଯଶୋବନ୍ତ ଭୋଇ ଓ ସମ୍ପାଦକ ମୋତିଲାଲ ରଣାଙ୍କ ନେତୃତ୍ବରେ ଶତାଧିକ ଭକ୍ତ ଏଥିରେ ସାମିଲ ହୋଇ ବିଭିନ୍ନ କାର୍ଯ୍ୟରେ ସହଯୋଗ କରିଥିଲେ l ସୋମବାର ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଦଣ୍ଡ ନୃତ୍ୟ ଅନୁଷ୍ଠିତ ହୋଇଥିଲା l
previous post