ଧର୍ମଗଡ଼ ବ୍ଲକ ଓଷ୍ଟା ପକ୍ଷରୁ ୩୬ ତମ ଶିଶୁ ମେଳା ରାମକୃଷ୍ଣ ଉଚ୍ଚ ବିଦ୍ୟାଳୟ ବ୍ରାହ୍ମଣ ଛେଣ୍ଡିଆ ଠାରେ ଅନୁଷ୍ଠିତ ହୋଇଛି । ଓଷ୍ଟା ସଭାପତି ବାଞ୍ଛାନିଧି ପଣ୍ଡା ଙ୍କ ଅଧ୍ୟକ୍ଷତାରେ ଆୟୋଜିତ ଏହି ଶିଶୁମେଳା ରେ ଧର୍ମଗଡ଼ ଉପଜିଲ୍ଲାପାଳ ବେଦ ଭୂଷଣ ମୁଖ୍ୟ ଅତିଥି ଭାବରେ ଯୋଗଦେଇଥିଲେ । ସମ୍ମାନୀତ ଅତିଥି ଭାବରେ ଧର୍ମଗଡ଼ ଗୋଷ୍ଠୀ ଶିକ୍ଷା ଅଧିକାରୀ ନବକିଶୋର ସାହୁ,କଳାହାଣ୍ଡି ଜିଲ୍ଲା ଓଷ୍ଟା ସଭାପତି ମନୋରଞ୍ଜନ ପାଣିଗ୍ରାହୀ,ଗାୟତ୍ରୀପ୍ରସାଦ ମୁଣ୍ଡ ପ୍ରଧାନଶିକ୍ଷକ ରାମକୃଷ୍ଣ ଉଚ୍ଚ ବିଦ୍ୟାଳୟ ବ୍ରହ୍ମଣଛେଣ୍ଡିଆ ମୁଖ୍ୟ ବକ୍ତା ଭାବରେ ଜିଲ୍ଲା ଓଷ୍ଟା ଉପଦେଷ୍ଟା ଜଗବନ୍ଧୁ ମିଶ୍ର ଯୋଗଦେଇଥିଲେ । ଧର୍ମଗଡ଼ ବ୍ଲକ ଓଷ୍ଟା ଉପ ସଭାପତି ରିକିରାମ ବେହେରା ସ୍ୱାଗତ ଭାଷଣ ଓ ମଞ୍ଚ ପରିଚାଳନା କରିଥିବା ବେଳେ ସମ୍ପାଦକ ତେଜସ୍ବର ସାହୁ ବାର୍ଷିକ ବିବରଣୀ ପାଠ କରିଥିଲେ । ଏହି ଉତ୍ସବ ରେ ବାଳିକା ଉଚ୍ଚ ବିଦ୍ୟାଳୟ ଧର୍ମଗଡ଼ ର ପୂର୍ବତନ ସଂସ୍କୃତ ଶିକ୍ଷକ ଦେବେନ୍ଦ୍ର ମହାନ୍ତି ଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଥିଲା । ମୁଖ୍ୟ ଅତିଥି କୃତି ପ୍ରତିଯୋଗି ଙ୍କୁ ପୁରସ୍କାର ବିତରଣ କରିଥିଲେ ।ଛାତ୍ରଛାତ୍ରୀ ମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଶଶିକାନ୍ତ ନାଏକ ଧନ୍ୟବାଦ ଅର୍ପଣ କରିଥିବା ବେଳେ ଶିକ୍ଷକ ରମେଶ ଚନ୍ଦ୍ର ନାଏକ, ଦେବେଶ କୁମାର ପଣ୍ଡା,ରାଜେନ୍ଦ୍ର ଆଚାର୍ଯ୍ୟ,ମୁକେଶ କୁମାର ଛାତ୍ରୀଆ ପ୍ରମୁଖ ସହାୟତା କରିଥିଲେ ।