ଫୁଲବାଣୀ ନବୋଦୟ ବିଦ୍ୟାଳୟ ପୁରାତନ ଛାତ୍ର ସଙ୍ଘ ପକ୍ଷରୁ ଡିସେମ୍ବର ୧୦ ତାରିଖ ଦିନ ଏହି ସଙ୍ଗଠନ ର ସଭାପତି ସୁର ପ୍ରସାଦ ନାୟକ ଓ ସମ୍ପାଦକ ନୀଳମାଧବ ଦିଗାଲ ଙ୍କ ନେତୃତ୍ୱରେ ଏକ ଚକ୍ଷୁ ପରୀକ୍ଷା ଓ ଚିକିତ୍ସା ଶିବିର ସ୍ଥାନୀୟ ଗାନ୍ଧୀ ସ୍ମୃତି ଭବନ ଠାରେ ଅନୁଷ୍ଠିତ ହୋଇଥିଲା ।ଏହି ଶିବିରରେ ଚିକିତ୍ସା କରାଯାଇ ୫୬ ଜଣ ମୋତିଆ ବିନ୍ଦୁ ରୋଗୀ ଚିହ୍ନଟ ହୋଇଥିଲେ । ସେହି ରୋଗୀ ମାନଙ୍କ ମଧ୍ୟରୁ ପ୍ରଥମ ପର୍ଯ୍ୟାୟରେ ୩୬ ଜଣ ମୋତିଆ ବିନ୍ଦୁ ରୋଗୀ ଙ୍କର ଚକ୍ଷୁ ଅସ୍ତ୍ରୋପଚାର ପାଇଁ ଏବଂ ସେମାନଙ୍କ ଦେଖାଶୁଣା କରିବା ପାଇଁ ୧୨ ଜଣ ସମ୍ପର୍କୀୟ ଙ୍କୁ ସମ୍ବଲପୁର ତ୍ରିଲୋଚନ ନେତ୍ରାଳୟ କୁ ପଠାଯାଇଥିଲା। ସେହି ୩୬ ଜଣ ମୋତିଆ ବିନ୍ଦୁ ଚକ୍ଷୁ ରୋଗୀ ଙ୍କ ମଧ୍ୟରୁ ୩୫ ଜଣ ସଫଳ ଅସ୍ତ୍ରୋପଚାର ହୋଇ କନ୍ଧମାଳ ଫେରିଛନ୍ତି। ଏହି ସଫଳ ଅସ୍ତ୍ରୋପଚାର ରୋଗୀ ମାନଙ୍କୁ ଫୁଲବାଣୀ ଜବାହର ନବୋଦୟ ବିଦ୍ୟାଳୟ ର ପୁରାତନ ଛାତ୍ର ସଙ୍ଘ ସଭାପତି ସୁରପ୍ରସାଦ ନାୟକ ପୂର୍ବତନ ସମ୍ପାଦକ ନୀଳମାଧବ ଦିଗାଲ, ଉପ ସଭାପତି ଭ୍ରମରବର ବେହେରା, କୋଷାଧ୍ୟକ୍ଷ ଲଲାଟେନ୍ଦୁ ନାୟକ ,ସକ୍ରିୟ ସଦସ୍ୟ ସୁକାନ୍ତ ବେହେରା, ବିନୋଦ ବେହେରା, ଦିଗାମ୍ବର କଁହର ପ୍ରମୁଖ ଫୁଲବାଣୀ ବାପୁଜୀ ବସଷ୍ଟାଣ୍ଡ ରେ ଉପସ୍ଥିତ ରହି ପୁଷ୍ପଗୁଚ୍ଛ ଦେଇ ମିଠା ଖୁଆଇ ସ୍ୱାଗତ କରିଥିଲେ। ପରବର୍ତ୍ତୀ ପର୍ଯ୍ୟାୟରେ ପୁଣି ଅନ୍ୟ ୨୦ ଜଣ ଚକ୍ଷୁ ରୋଗୀ ଙ୍କୁ ଅସ୍ତ୍ରୋପଚାର ନିମନ୍ତେ ପଠାଯିବ ବୋଲି ଜବାହର ନବୋଦୟ ବିଦ୍ୟାଳୟ ର ପୁରାତନ ଛାତ୍ର ସଙ୍ଘ ସଭାପତି ଓ ସମ୍ପାଦକ ଗଣମାଧ୍ୟମ କୁ ସୂଚନା ଦେଇଥିଲେ।
previous post