l l ନୂଆ ସକାଳ l l

 ନୂଆ ସକାଳ ର ସୁନେଲି କିରଣ

ନୂଆ ଆଶା ଦିଏ ବୁଣି ।

କାଲି ହୁଡିଥିବା କର୍ମର ପଥ ଟି

ଆଜି ଆରମ୍ଭିବା ପୁଣି ।।

ଆଉ ଥରେ ପୁଣି ମଉକା ଦେଇଛି

ନୂଆ କିଛି କରି ଯିବା ।

ଆଜି ଯଦି କିଛି କରି ନ ପାରିଲେ

କାଲି ଯାଏଁ ଚାହିଁ ଥିବା ।।

ନୂଆ ସକାଳ ଟି ନୂଆ ଉଦ୍ଦୀପନା

ନୂଆ ସମ୍ଭାବନା ଧରି ।

କାଲି ଯାଇଥିଲା ମୁହଁ ମୋଡ଼ି ଦେଇ

ଆଜି ସେ ଆସିଛି ଫେରି ।।

ସାଙ୍ଗିତିକ କରି ଆଗମନ ତାର

 ପକ୍ଷୀ ଙ୍କ କୂଜନ ଶୁଭେ ।

ସର୍ବ ପ୍ରାଣୀ ଗଣ କରିବେ ଭ୍ରମଣ

ବାହାରି ପ୍ରଭାତୁ ଶୁଭେ ।।

ବର୍ଷ ଶେଷ ଦିନ ନୂଆ ସକାଳ ର

ନୂତନ ବାରତା ଏହି ।

ନୂଆ ବରଷ ର ନୂଆ ସକାଳ କୁ

ଯେମିତି ଭୁଲିବେ ନାହିଁ ।।

ଶୁଭଭିନନ୍ଦନ ଜଣାଇ ସଭିଙ୍କୁ

କରି ଦେବ ମନ ତୋଷ ।

ପୁରୁଣା ବର୍ଷ ର ରାଗ ୠଷା ଛାଡ଼ି

କ୍ଷମା କରିଦେବ ଦୋଷ ।।

ଚିତ୍ତ ରଞ୍ଜନ ଦେହୁରୀ

ଅନୁଗୋଳ