ବାଲେଶ୍ଵର,୦୪/୦୧/୨୩- ବାଲେଶ୍ଵର ଜିଲ୍ଲା ଔପଦା ବ୍ଲକ ସ୍ଥିତ ଔପଦା ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଛାତ୍ରୀ ଆତ୍ମରକ୍ଷା ତାଲିମ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ବିଦ୍ୟାଳୟର ଅଧ୍ଯକ୍ଷ ବ୍ରଜ କିଶୋର ପାଲ ସଭାପତିତ୍ବ କରିଥିଲେ । ସଂଯୋଜକ ଭାବେ ଅଧ୍ଯାପକ ମନୋଜ କୁମାର ସାହୁ ଶିବିର ପରିଚାଳନା କରିଥିଲେ । ମୁଖ୍ୟଅତିଥି ଭାବେ ଫକୀରମୋହନ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଡଃ ପ୍ରଦୀପ କୁମାର ରଣା ଏବଂ ମୁଖ୍ୟବକ୍ତା ଭାବେ ସଂଯୋଜକ ଡଃ ସନ୍ତୋଷ କୁମାର ରାଉତ ଯୋଗଦେଇ ସାଂପ୍ରତିକ ପରିସ୍ଥିତିରେ ଛାତ୍ରୀ ଆତ୍ମରକ୍ଷା ପ୍ରଶିକ୍ଷଣର ବହୁମୁଖି ଉପାଦେୟତା ସମ୍ପର୍କରେ ଆଲୋଚନା କରିଥିଲେ । 
ଅଧ୍ଯାପକ ନିତ୍ଯାନନ୍ଦ ଦାସ, ବିଜୟ କୁମାର ପରିଡା, ଅଧ୍ଯକ୍ଷାପକ ଆଦିତ୍ୟ କୁମାର ଆଚାର୍ଯ୍ୟ, ଲାଇବ୍ରେରୀଆନ ଇନ୍ଦ୍ରମଣି ଗିରି, କର୍ମଚାରୀ ବଳରାମ ମହାପାତ୍ର, କୌଶଲ୍ୟା ଆଚାର୍ଯ୍ୟ, ନୀଳଶୈଳ ବିଶ୍ବାଳ, ବାସନ୍ତୀ ବେହେରା ପ୍ରମୁଖ ଉପସ୍ଥିତ ଥିବା ବେଳେ ତାଲିମଦାତ୍ରୀ ଯମୁନା ବିନ୍ଧାଣି ଓ ସୁନିତା ଗୁଣ୍ଡୁହାଲା ଛାତ୍ରୀମାନେ କିପରି ନିଜକୁ ସୁରକ୍ଷିତ ରଖିପରିବେ ସେବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ଉକ୍ତ ଶିବିରରେ ୧୧୧ଜଣ ଛାତ୍ରୀ ଅଂଶ ଗ୍ରହଣ କରିଥିଲେ । ଏହି ଶିବିର ୮ ଦିନଧରି ଚାଲିବ ବୋଲି ପ୍ରୋଗ୍ରାମ ସଂଯୋଜକ ଶ୍ରୀ ସାହୁ ପ୍ରକାଶ କରିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
