ବାଲେଶ୍ଵର,୦୪/୦୧/୨୩- ବାଲେଶ୍ଵର ଜିଲ୍ଲା ଖଇରା ବ୍ଲକରେ ଗତ ୨୦୧୯ ମସିହାରେ ଗଢି ଉଠିଥିବା ମୋ ଅନୁଷ୍ଠାନ ସାହିତ୍ୟ ସଂସଦ, ଆଳଦା, ଖଇରା, ବାଲେଶ୍ଵର ପ୍ରତିବର୍ଷ ପରି ଆରମ୍ଭ କରିଛି ବିଭିନ୍ନ ପ୍ରତିଯୋଗିତା ମୂଳକ କାର୍ଯ୍ୟକ୍ରମ । ଗତ ତା ୦୧/୦୧/୨୩ ରିଖରେ ଫଟୋ ପ୍ରତିଯୋଗିତା କାର୍ଯ୍ୟକ୍ରମ ମୋ ଅନୁଷ୍ଠାନ ଫେସବୁକ୍ ଗୃପରେ ଏବଂ ହ୍ବାର୍ଟସପ୍ ଗୃପରେ କ୍ଷୁଦ୍ରଗଳ୍ପ ” ନିଜ ଗାଁ ମଶାଣି ” କୁ ନେଇ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସେହିପରି ତା ୦୪/୦୧/୨୩ ରିଖରେ ମୋ ଅନୁଷ୍ଠାନ ହ୍ବାର୍ଟସପ୍ ଗୃପରେ କବିତା ପ୍ରତିଯୋଗିତା ହୋଇଥିଲା । ରାଜ୍ୟ ତଥା ରାଜ୍ୟ ବାହାରେ ବସବାସ କରୁଥିବା ଓଡିଆ ସାହିତ୍ୟ ବନ୍ଧୁମାନେ ମଧ୍ୟ ଭାଗନେଇ ଥିଲେ । ଏସମସ୍ତ କାର୍ଯ୍ୟକ୍ରମ ଅନଲାଇନ୍ ମାଧ୍ୟମରେ ହୋଇଥିଲା । କବିତା ପ୍ରତିଯୋଗିତାରେ ପ୍ରବାସୀ ଓଡ଼ିଆ ସାହିତ୍ୟିକ ଅରୁଣ କୁମାର ମହାପାତ୍ର, ବୈଜ୍ଞାନିକ ଅଧିକାରୀ, ଅଶ୍ବପୁରମ୍, ତେଲେଙ୍ଗାନା, ଜୟନ୍ତୀ ଜେନା, ବ୍ଯାସନଗର, ଯାଜପୁର, ଅନ୍ନପୂର୍ଣ୍ଣା ସାହୁ, ଭୁବନପୁର, ଖୋର୍ଦ୍ଧା ଓ ଛବିରାଣୀ ପତି, ଜଗତସିଂହପୁର ପ୍ରମୁଖ ଅଂଶ ଗ୍ରହଣ କରିଥିଲେ । ଏଥିରେ ଅରୁଣ କୁମାର ମହାପାତ୍ର ପ୍ରଥମ, ଜୟନ୍ତୀ ଜେନା ଦ୍ବିତୀୟ ଓ ଅନ୍ନପୂର୍ଣ୍ଣା ସାହୁ ତୃତୀୟ ସ୍ଥାନ ଅଧିକାର କରି ନିଜ ନିଜ ସାହିତ୍ୟ ପ୍ରତିଭାର ପରାକାଷ୍ଠା ଦେଖାଇଛନ୍ତି । କବିତା ଗୁଡିକୁ ସମୀକ୍ଷା କରିଥିଲେ ଅନୁଷ୍ଠାନର ସୁସାହିତ୍ଯିକା ଓ ସମୀକ୍ଷିକା ସୁଜାତା ଦାସ ମହାନ୍ତି । ତାଙ୍କ ସମୀକ୍ଷାକୁ ହୃଦବୋଧ କରି ଅନୁଷ୍ଠାନ ଫଳାଫଳ ଘୋଷଣା କରିଛି । ଶୀର୍ଷକ ସହିତ କୌଣସି ସାମଞ୍ଜସ୍ୟ ରହୁ ନଥିବାରୁ ଛବିରାଣୀ ପତିଙ୍କ କବିତାକୁ ଡିସମିସ୍ କରାଯାଇଛି । ଖୁବ୍ ଶୀଘ୍ର ଆପଣ ମାନଙ୍କୁ ପ୍ରମାଣ ପତ୍ର ହ୍ବାର୍ଟସପ୍ ମାଧ୍ୟମରେ ଦିଆଯିବ ।
ମୋ ଅନୁଷ୍ଠାନର ମୂଳଲକ୍ଷ୍ୟ ଓଡିଆ ସାହିତ୍ୟର ବିକାଶ । ଧୀରେ ଧୀରେ ଓଡ଼ିଆ ସାହିତ୍ୟ ପ୍ରତି ସାଧକ/ସାଧିକା ମାନଙ୍କର ଆଗ୍ରହ କମିକମି ଆସୁଥିବାର ଦେଖାଯାଉଥିବାରୁ ତାହାକୁ ପ୍ରଖର ଗତିରେ ଆଗେଇନେବା ଅର୍ଥାତ୍ ବିକାଶକୁ ତ୍ବରାନ୍ବିତ କରିବା ମୁଳଲକ୍ଷ୍ଯ । ସେଥିପାଇଁ ବିଭିନ୍ନ ପ୍ରକାର ପ୍ରତିଯୋଗିତା ମୂଳକ କାର୍ଯ୍ୟକ୍ରମର ଆୟୋଜନ ହୋଇଥାଏ । ସମସ୍ତ ସାହିତ୍ୟ ବନ୍ଧୁ ମାନଙ୍କୁ ଚଳଚଞ୍ଚଳ କରି ପାରିଲେ ସାହିତ୍ୟର ଦୃତ ବିକାଶ ହୋଇପାରିବ ବୋଲି ଅନୁଷ୍ଠାନ ଲକ୍ଷ୍ୟ ରଖିଛି । ତେଣୁ ସମସ୍ତ ସାହିତ୍ୟ ବନ୍ଧୁ ମାନଙ୍କର ଏଥିପ୍ରତି ଆଗ୍ରହ ବଢିବା ନିହାତି ଦରକାର ବୋଲି ସମ୍ପାଦକ ନରେନ୍ଦ୍ର ପ୍ରସାଦ ବେହେରା ପ୍ରକାଶ କରିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ