ମୟୂରଭଞ୍ଜ -୫/୧/୨୩ (ମସିହା) ମୟୂରଭଞ୍ଜ ଜିଲ୍ଲାର ସିମାନ୍ତ ଜାମଦା ବ୍ଳକ ଅନ୍ତର୍ଗତ ଜୁଲାଇ ୭ ତାରିଖ ୧୯୭୭ ମସିହାରେ ପ୍ରତିଷ୍ଠିତ କାଣ୍ଡସର ଉଚ୍ଚ ବିଦ୍ୟାଳୟର ଅତିରିକ୍ତ ଶ୍ରେଣୀଗୃହ ଉଦଘାଟନ ସମାରୋହ ଗୁରୁବାର ଦିନ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଜାମଦା ବିଡ଼ିଓ ଶ୍ରୀ ଦେବାଶିଷ ପଣ୍ଡା , ସମ୍ମାନିତ ଅତିଥି ଜାମଦା ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ସଦାନନ୍ଦ ମହାନ୍ତ, ବିଶେଷ ଅତିଥି ଜାମଦା ବ୍ଳକ ଆସିଷ୍ଟାଣ୍ଟ ଏକଜିଉଟିଭ ଇଞ୍ଜିନିୟର ଶ୍ରୀ ସନତ ରାଉତ, କନିଷ୍ଠ ଯନ୍ତ୍ରୀ ଶ୍ରୀ ଅନିଲ କୁମାର ମହାପାତ୍ର ଯୋଗ ଦେଇଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ନିରଞ୍ଜନ ନାଏକଙ୍କ ପୌରହିତ୍ୟରେ ଏହି ସମାରୋହ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଅବସରପ୍ରାପ୍ତ ସହକାରୀ ଶିକ୍ଷକ ସେକ୍ ମୁସ୍ତାଫା ଅଲ୍ଲୀ ମଂଚ ପରିଚାଳନା କରିଥିଲେ । ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟତ୍ରୀ, ଅଭିଭାବକ ମାନେ ଅତିଥିଙ୍କୁ ପାଛୋଟି ନେଇଥିଲେ ।ପ୍ରଥମେ ବିଦ୍ୟାଳୟରେ ନୂତନ ଭାବେ ସ୍ଥାପିତ ମହାତ୍ମାଗାନ୍ଧୀ , ଅଶୋକ ଚକ୍ର ଏବଂ ନୂତନ ଶ୍ରେଣୀ ଗୃହ ବିଡ଼ିଓ ଏବଂ ଅନ୍ୟ ଅତିଥିଗଣ ଉଦଘାଟିତ କରିଥିଲେ ।ପରେ ବିଡ଼ିଓ ଶ୍ରୀ ଦେବାଶିଷ ପଣ୍ଡା ଉପସ୍ଥିତ ଛାତ୍ରଛାତ୍ରୀ ମାନଙ୍କୁ କହିଥିଲେ ସମାଜର ବିକାଶରେ ଶିକ୍ଷାର ଭୂମିକା ଅବର୍ଣ୍ଣନୀୟ । ଛାତ୍ରଛାତ୍ରୀ ମାନେ କଠିନ ପରିଶ୍ରମ,ଅଧ୍ଯାଵସାୟ, ଗୁରୁଭକ୍ତି କରିବାକୁ ପ୍ରେରଣା ଦେଇଥିଲେ ।ପ୍ରଶାସନ ତରଫରୁ ବିଦ୍ୟାଳୟର ଉନ୍ନତି ପାଇଁ ଯାହାକିଛି ଆବଶ୍ୟକ ତାହା ଯୋଗାଇ ଦେବେ ।ଅର୍ଥର ଅଭାବ ନାହିଁ ।ନୂତନ ଶ୍ରେଣୀଗୃହ ପାଇ ଛାତ୍ରଛାତ୍ରୀ ମାନେ ଆନନ୍ଦିତ ହୋଇଥିଲେ । ଶେଷରେ ପ୍ରଧାନ ଶିକ୍ଷକ ଉପସ୍ଥିତ ଅତିଥି, ଛାତ୍ର ଛାତ୍ରୀ, ଅଭିଭାବକ ମାନଙ୍କୁ ଉପସ୍ଥିତ ରହି କାର୍ଯ୍ୟକ୍ରମ ସଫଳ କରାଇଥିବାରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ପରିଚାଳନାରେ ଜାମଦା ବ୍ଳକର ଯୁବ ସମାଜସେବୀ ସନ୍ତୋଷ ମଣ୍ଡଳ, ବରିଷ୍ଠ ଶିକ୍ଷକ,ଅଜୟ ସୃଠୀଜୀତେନ୍ଦ୍ର କୁମାର ବରାଳ,ଅନ୍ୟ ଶିକ୍ଷକ, ଶିକ୍ଷୟିତ୍ରୀ ପରିଚାଳନାରେ ସହଯୋଗ କରିଥିଲେ ।