ରାଉରକେଲା/ ଛେଣ୍ଡ ସ୍ଥିତ ହୃଷିକେଶ ରାୟ ମହାବିଦ୍ୟାଳୟ ରେ ଓଡିଶା ସରକାର ଙ୍କ କ୍ରୀଡା ଓ ଯୁବ କଲ୍ୟାଣ ବିଭାଗ ଆନୁକୂଲ୍ୟ ରେ ପ୍ରାୟୋଜିତ ଛାତ୍ରୀ ଆତ୍ମ-କୌଶଳ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇ ଉଦଯାପିତ ହୋଇଯାଇଛି l ଚଳିତ ମାସ ଚାରି ତାରିଖ ରେ ଏହି କାର୍ଯ୍ୟକ୍ରମ ଟି ମହାବିଦ୍ୟାଳୟ ର ଅଧ୍ୟକ୍ଷ ଭବେଶ ଚନ୍ଦ୍ର ସାହୁ ଙ୍କ ଦ୍ୱାରା ଉଦଘାଟିତ ହୋଇ ଥିଲା l ଯୁକ୍ତ ଦୁଇ ପ୍ରଥମ ବର୍ଷ ର କଳା, ବିଜ୍ଞାନ ଓ ବାଣିଜ୍ୟ ବିଭାଗ ର ୨୩୬ ଜଣ ଛାତ୍ରୀ ଏହି ତାଲିମ ଗ୍ରହଣ କରିଥିଲେ l
ବିଗତ ଦଶ ଦିନ ଧରି ଚାଲୁଥିବା ଏହି କାର୍ଯ୍ୟକ୍ରମ ଆଜି ଉଦଯାପିତ ହୋଇଥିଲା l ଉଦଯାପନ ଉତ୍ସବ ରେ ସୁନ୍ଦରଗଡ ଜିଲ୍ଲା ଆଥଲେଟିକ ଆସୋସିଏସନ ର ବରିଷ୍ଠ ଉପସଭାପତି ତଥା ପ୍ରଗତି ଉତ୍କଳ ସଙ୍ଘ ର ସମ୍ପାଦକ ଶ୍ରୀ ରାଧାମୋହନ ନାୟକ ମୁଖ୍ୟ ଅତିଥି ଭାବେ ଉପସ୍ଥିତ ରହିଥିଲେ l ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ସମାରୋହ ଉତ୍ସବ ଆରମ୍ଭ ହୋଇଥିଲା l ଅଧ୍ୟକ୍ଷ ଶ୍ରୀ ସାହୁ ଉତ୍ସବ ରେ ଅଧ୍ୟକ୍ଷତା କରି କହିଲେ ଯେ ମଣିଷ ପାଖରେ ଶାରୀରିକ ଶକ୍ତି, ପ୍ରାଣିକ ଶକ୍ତି, ମାନସିକ ଶକ୍ତି ଓ ଆତ୍ମିକ ଶକ୍ତି ରହିଛି, ଯାହାକୁ ତାଲିମ ପୂର୍ବକ ଜାଗ୍ରତ କରି ବିଶ୍ୱ ଶକ୍ତି ସହ ଯୋଡିବାର କାମ ଟି ହେଉଛି ଶିକ୍ଷା l 
ମୁଖ୍ୟ ଅତିଥି ଶ୍ରୀ ନାୟକ ଛାତ୍ରୀ ମାନଙ୍କୁ ଉପଯୁକ୍ତ ଖାଦ୍ୟ ଓ ଶାରୀରିକ ବ୍ୟାୟାମ କଥା ବୁଝାଇ କହିଥିଲେ l ଜଙ୍କ ଫୁଡ ନ ଖାଇବାକୁ ସେ ପରାମର୍ଶ ଦେଇଥିଲେ l ଛାତ୍ରୀ ସୁରକ୍ଷା ତାଲିମ କାର୍ଯ୍ୟକ୍ରମ ର ସଂଯୋଜିକା ଅଧ୍ୟାପିକା ବବିତା ମିଶ୍ର ସଭା ପରିଚାଳନା ସହ ଧନ୍ୟବାଦ ପ୍ରସ୍ତାବ ଦେଇଥିଲେ l ସମସ୍ତ ଅଂଶ ଗ୍ରହଣକାରୀ ଛାତ୍ରୀ ମାନଙ୍କୁ ମୁଖ୍ୟଅତିଥି, ଅଧ୍ୟକ୍ଷ, ପ୍ରାଧ୍ୟାପକ ରଜନୀ କାନ୍ତ ମିଶ୍ର, ସୁପ୍ରଭା ବେହେରା, ଅଜୟ କୁମାର ସୁନ୍ଦର ରାୟ ପ୍ରମୁଖ ପ୍ରମାଣପତ୍ର ବଣ୍ଟନ କରିଥିଲେ l ମହାବିଦ୍ୟାଳୟ ର ଛାତ୍ରୀ ସୁଶ୍ରୀ ସ୍ନେହା ମହାପାତ୍ର ଓ ସୁଶ୍ରୀ ସ୍ମୃତିରାଣୀ ସାହୁ ସ୍ୱାଗତ ସଂଗୀତ ପରିବେଷଣ କରିଥିଲେ l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
