ଚନ୍ଦାହାଣ୍ଡି (ମନି ସ ) ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଥାନା ଅଧିନସ୍ଥ ମୋତିଗାଁ ନିକଟସ୍ଥ ଭଣ୍ଡାରନଦୀ ପୋଲ ନିକଟରେ ଭାରସାମ୍ୟ ହରାଇ ସାଲେଭଟା ଗ୍ରାମର ସି ଜି -04 ଏମ. ଏନ 2373 ନମ୍ବର ଯୁକ୍ତ ଟ୍ରାକ୍ଟର ଖସି ପଡିବାରୁ ଗାଡିର ଡ୍ରାଇଭର ତେଜରାଜ ପୂଜାରୀ (୨୩) ଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି । ଅଗ୍ନିଶମ ଅଧିକାରୀ ବୁଡୁ ଶବର ଙ୍କ ନେତୃତ୍ୱ ରେ ଅଗ୍ନିଶମ କର୍ମଚାରୀ ମାନେ ପହଞ୍ଚି ଶବ ଉଦ୍ଧାର କରିଥିଲେ।l ମୃତକ ଡ୍ରାଇଭର ତେଜେ ଶ୍ୱର ପୂଜାରୀ ଙ୍କ ନିଜ ଘର ବେହେରାମୁଣ୍ଡା ପଂଚାୟତ ଅଧିନସ୍ଥ ବେଲମାଝୀଗୁଡା ର ରୂପସିଂ ପୂଜାରୀ ଙ୍କ ପୁଅ ବୋଲି ଜଣା ପଡିଛି l ଉକ୍ତ ଟ୍ରାକ୍ଟର ଭେଣ୍ଡିଆ ଗ୍ରାମରୁ ସିମେଣ୍ଟ ଛାଡି ଆସୁଥିବା ବେଳେ ମୋତିଗାଁ ପୋଲ ନିକଟରେ ଭାରସାମ୍ୟ ହରେଇ ଓଲଟି ପଡିଥିଲା । ଘଟଣା ସ୍ଥଲ କୁ ଚନ୍ଦାହାଣ୍ଡି ଆଇ ଆଇ ସି ଉମେଶ ଚନ୍ଦ୍ର ନାୟକ ଙ୍କ ନିର୍ଦେଶ କ୍ରମେ ଏସ ଆଇ ଖଗେଶ୍ୱର ଖୋସଲା ଓ ଏ ଏସ ଆଇ ବସନ୍ତ କୁମାର ସ୍ୱାଇଁ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ଶବ ଜବତ କରି ବ୍ୟବଚ୍ଛେଦ ପାଇଁ ଚନ୍ଦାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ପଠାଇଥିଲେ । ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ଶବ ହସ୍ତାନ୍ତର କରାଯାଇଛି। ଏନେଇ ଚନ୍ଦାହାଣ୍ଡି ଥାନା କେସ ନମ୍ବର ୧୨/୨୩ ପ୍ରକାରେ ଏକ ଦୁର୍ଘଟଣା ମାମଲା ରୁଜୁ କରିବା ସହ ଦୁର୍ଘଟଣା ଗ୍ରସ୍ତ ଟ୍ରାକ୍ଟର କୁ ଜବତ କରି ତଦନ୍ତ ଜାରି ରଖିଥିବା ଏଏସଆଇ ବସନ୍ତ ସ୍ବାଇଁ ପ୍ରକାଶ କରିଛନ୍ତି।
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ୍
