ପାପଡାହାଣ୍ଡି,28/01— ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଜଟାଵାଲ ପଞ୍ଚାୟତ ସଦର ମହକୁମାରେ ବିଳମ୍ବିତ ରାତ୍ରରେ ପାଞ୍ଚଗୋଟି ଦୋକାନରେ ସିରିଜ ଡକାୟତି ହୋଇଛି | ଦୁର୍ବୁତ୍ତ ମାନେ ଟଙ୍କା,ମୋବାଇଲ ବ୍ଲୁଟୁଥ, ବେଲ୍ଟ, ଅନ୍ୟାନ ସାମଗ୍ରୀ ଆଦି ଲୁଟ କରି ନେଇଯାଇଛନ୍ତି | ଶନିବାର ପୋଲିସ ଘଟଣାସ୍ଥଳରେ ସନ୍ଧାନି କୁକୁର ଧରି ତଦନ୍ତ ଆରମ୍ଭ କରିଛି | 
ଏମଡି. ଅନିଶ ଙ୍କ କିରାନା ଦୋକାନ , ଶେଖ ବାସୀର ହୁସେନଙ୍କ ଚପଲ ଦୋକାନ . ମିର୍ଜା ଅଲତାଫ ବୈଗଙ୍କ ମୋବାଇଲ ଦୋକାନ , ଏମଡି.ନେଉସାଦଙ୍କ କପଡ଼ା ଦୋକାନ, ଯାଦବ ବେହେରାଙ୍କ ମୋବାଇଲ ଦୋକାନ ବନ୍ଦ କରି ନିଜ ନିଜ ଘରକୁ ଚାଲି ଯାଇଥିଲେ | ଦୁର୍ବତ୍ତ ମାନେ ଏହି ପାଞ୍ଚ ଦୋକାନ ର ସଟର ଓ କବାଟ ତାଲା ଭାଙ୍ଗି ଭିତରେ ପସିଥିଲେ | 
ଏମଡି. ଅନିଶ କିରାନା ଦୋକାନ ରୁ ସଟର ଭାଙ୍ଗି 10000 ଟଙ୍କା,ମିର୍ଜା ଅଫତାବ ବୈଗ ମୋବାଇଲ ଦୋକାନ ର ଲୁହା କବାଟ ଭାଙ୍ଗି କେତୋଟି ବ୍ଲୁ ଟୁଥ ଓ ଏଲଇଡି ଲାଇଟ,ଏମଡି ନସାଦଙ୍କ କପଡ଼ା ଦୋକାନର ସଟର ଭାଙ୍ଗି 150 ଟଙ୍କା,ଯାଦବ ବେହେରାଙ୍କ ମୋବଇଲ ଦୋକାନର କବାଟ ଭାଙ୍ଗି ଟଙ୍କା ପେଡି ଖୋଜି କିଛି ପାଇନଥିଲେ ଓ ଶେଖ ବାସୀର ହୁସେନ ଙ୍କ ଚପଲ ଦୋକାନ ର ସଟର ଭାଙ୍ଗି 5000 ଟଙ୍କା ସହ କିଛି ଚପଲ ନେଇଯାଇଛନ୍ତି | ସକାଳେ ଦୁର୍ବୁତ୍ତ ମାନେ ଚୋରି କରିଥିବା ନେଇ ଗ୍ରାମବାସୀ ଜାଣିବା ପରେ ଗ୍ରାମରେ ଆତଙ୍କ ଖେଳିଯାଇଥିଲା | ଡାବୁଗାଁ ପୋଲିସ ପହଁଚି ସନ୍ଧାନି କୁକୁର ସାହାଯ୍ୟରେ ତଦନ୍ତ ଜାରି ରଖିଛି |
ପାପଡାହାଣ୍ଡି ରୁ ସ୍ବପ୍ନଜିତ ପଟ୍ଟନାୟକ ଙ୍କ ରିପୋର୍ଟ୍
