ଗୋଲାମୁଣ୍ଡା ତା-୦୩/୦୨(ମସିହା) ହାଇଦ୍ରାବାଦ ତେଲେଙ୍ଗାନା ରାଜ୍ୟକୁ ଦାଦନ ଖଟିବାକୁ ଯାଇ ଶବ ହୋଇ ଗାଁ କୁ ଫେରିଛି ଦାଦନ ଶ୍ରମିକ ଙ୍କ ମୃତଦେହ । କଳାହାଣ୍ଡି ଜିଲ୍ଲାରେ ଦାଦନର ସମସ୍ୟା ଦିନକୁ ଦିନ ବଢ଼ିବାରେ ଲାଗିଛି, କାମ ନ ପାଇ ନିଜ ଭିଟାମାଟି ଓ ପରିବାର କୁ ଛାଡି ବାହାର ରାଜ୍ୟକୁ ଯାଇ ଦାଦନ ଶ୍ରମିକ ଭାବେ ମୃତ୍ୟୁ ହୋଇ ଶବ ହୋଇ ଘରକୁ ଫେରୁଛି, ରାଜ୍ୟ ସରକାରଙ୍କ ଆପରଗତା ହେତୁ ଦିନକୁ ଦିନ ଦାଦନ ଶ୍ରମିକଙ୍କ ମୃତ୍ୟୁ ବରଣ ବଢ଼ିବାରେ ଲାଗିଛି । 
ଏଭଳି ଘଟଣା ଦେଖିବାକୁ ମିଳିଛି ଗୋଲାମୁଣ୍ଡା ଥାନା ମାନଝରି ଗ୍ରାମର କୁମରାଜ ବିଶିଙ୍କ ପୁଅ ତ୍ରିଲୋଚନ ବିଶି । ଗତ ତିନି ମାସତଳେ ସେ ଭିଟାମାଟି ଛାଡି ହାଇଦ୍ରାବାଦ ନିକଟ ରାଚାକୋଣ୍ଡା ଜିଲ୍ଲା କୋଠୁର ଗ୍ରାମରେ ଥିବା ଏକ ଇଟା ଭାଟିରେ ଜେସିବି ଡ୍ରାଇଭର ଭାବେ କାର୍ଯ୍ୟ କରୁଥିଲେ । କିନ୍ତୁ ଗତକାଲି ସକାଳ ସମୟରେ ଏହି ଯୁବକଙ୍କ ଶବ ଗାଁ ନିକଟ ଏକ ବର ଗଛରେ ଝୁଲନ୍ତା ଅବସ୍ଥାରେ ମିଳିଥିଲା । ଏହି ଯୁବକ ଆତ୍ମହତ୍ୟା କରିଛି ବୋଲି ସେଠାକାର ଥାନାରେ ଅଭିଯୋଗ କରିଥିଲେ ସମ୍ପୁକ୍ତ ଇଟା କମ୍ପାନୀର କର୍ମକର୍ତା । କିନ୍ତୁ ମୃତକଙ୍କ ବାପା ଓ ତାଙ୍କ ସ୍ତ୍ରୀ ଏହା ଆତ୍ମହତ୍ୟା ନୁହେଁ ତାଙ୍କୁ ଯୋଜନା ବଦ୍ଧ ଭାବେ ହତ୍ୟା କରାଯାଇଛି ବୋଲି ଆଜି ଗୋଲାମୁଣ୍ଡା ଥାନାରେ ଲିଖିତ ଅଭିଯୋଗ କରିଛନ୍ତି । ଅନ୍ୟପଟେ ଆଜି ମୃତ ଶ୍ରମିକ ଙ୍କ ମୃତ ଦେହ ନିଜ ଗାଁ କୁ ଫେରିଛି। କ୍ଷତିପୂରଣ ଦାବିରେ ଗ୍ରାମବାସୀ ମାନେ ଧର୍ମଗଡ଼-ଚାନ୍ଦୋତରା ମୁଖ୍ୟ ରାସ୍ତା କୁ ଅବରୋଧ କରିଛନ୍ତି । ଘଟଣାସ୍ଥଳ କୁ ଗୋଳାମୁଣ୍ଡା ପୋଲିସ ପହଁଚି ଆନ୍ଦୋଳନ କାରୀୀ ଙ୍କୁ ବୁଝାସୁଝା କରୁଥିବା ଦେଖିବାକୁ ମିଳିଛି ।
ଗୋଳାମୁଣ୍ଡା ରୁ ରାମକୁମାର ସେନାପତି ଙ୍କ ରିପୋର୍ଟ, ପ୍ରଗତିଶୀଳ ମସିହା
