କାମାକ୍ଷାନଗର (ମନିସ )୦୭/୦୨_ କାମାକ୍ଷାନଗର ବ୍ଲକ୍ ଅନ୍ତର୍ଗତ କାନପୁରା ଗ୍ରାମର ଜଣେ ବ୍ୟକ୍ତି ଛାତରୁ ଖସି ପଡି ଗୁରୁତର ଭାବେ ଆହତ ହୋଇ କଟକ ସ୍ଥିତ ଏକ ଘରୋଇ ଚିକିତ୍ସାଳୟରେ ଚିକିତ୍ସା ସମୟରେ ମୃତ୍ୟୁ ହୋଇ ଥିବା ଜଣାପଡିଛି। କାନପୁରା ଗ୍ରାମର ହିମାଂଶୁ ରାଉତ (୬୩) ଘର ଛାତ ଉପରେ ଠିଆ ହୋଇ ସିମ୍ବ ତୋଳୁଥିଲେ । ଅସାବଧାନତା ଯୋଗୁଁ ଛାତରୁ ତଳକୁ ଖସି ପଡ଼ିଥିଲେ । ଫଳରେ ମୁଣ୍ଡର ପଛ ପାଖ ମାଡ ହୋଇ ଗୁରୁତର ଭାବେ ଆହତ ହୋଇଥିଲେ । ପରିବାର ଲୋକେ ତାଙ୍କୁ ତୁରନ୍ତ କାମାକ୍ଷାନଗର ଉପଖଣ୍ଡ ଚିକିତ୍ସାଳୟରେ ଭର୍ତି କରିଥିଲେ । ସେଠାରୁ ଡାକ୍ତର କଟକ ସ୍ଥାନାନ୍ତର କରିଥିଲେ । ସେଠାରେ ଏକ ଘରୋଇ ଚିକିତ୍ସାଳୟରେ ଚିକିତ୍ସା ହେଉଥିବା ବେଳେ ରବିବାର ବିଳମ୍ବିତ ରାତିରେ ମୃତ୍ୟୁ ହୋଇଛି । ଏହି ଖବର ପ୍ରଚାରିତ ହେବା ପରେ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି l
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
