ରାଉରକେଲା : ସୁନ୍ଦରଗଡ ସାଂସଦ ତଥା ଭାରତ ର ରକ୍ଷା ସ୍ଥାୟୀ ସମିତି ର ଅଧ୍ୟକ୍ଷ ଜୁଏଲ ଓରାମ ଙ୍କ ରାଉରକେଲା ଗସ୍ତ ଅବସରରେ ରାଉରକେଲା ପୂର୍ବତନ ସୈନିକ ସଂଘ ଓ ସେକ୍ଟର ୬ ସ୍ଥିତ ୯ମ ଓଡିଶା ଏନସିସି ବାଟାଲିୟନ କୁ ବୁଲିଯାଇଥିଲେ। ସେଠାରେ ଏନସିସି ବାଟାଲିୟନ କମାଣ୍ଡିଙ୍ଗ ଅଫିସର ଲେଫ୍ଟନେଣ୍ଟ କର୍ନେଲ ଶଶାଙ୍କ ଚନ୍ଦ୍ରକାନ୍ତ କୁଲକର୍ଣ୍ଣୀ , ପ୍ରଶାସନିକ ଅଧିକାରୀ ଲେଫ୍ଟନେଣ୍ଟ କର୍ନେଲ ରମେଶ ସାନ୍ୟାଲ, ସୁବେଦାର ମେଜର ଝିଡଗୁ ଲାକ୍ରା , ରାଉରକେଲା ପୂର୍ବତନ ସୈନିକ ସଂଘ ର ଉପ ସଭାପତି ନିର୍ମଳ ଦାସ, ସାଧାରଣ ସମ୍ପାଦକ ସୁବେଦାର ଧନେଶ୍ୱର ଦାସ, ସମ୍ପାଦକ ସର୍ଜେଣ୍ଟ ଜୟନ୍ତ ବୀର ବେରିହା, ରାଉରକେଲା ଇସ୍ପାତ କାରଖାନା ଇଂଜିନିୟରିଂ ବିଭାଗ ର ଇନଚାର୍ଜ ଜି ଏମ ବିଜୟ କୁମାର ଜୋଜୋ ଏବଂ ଏନସିସି ଅଫିସ ର ଅନ୍ୟାନ୍ୟ ସଦସ୍ୟ ମାନେ ପୁଷ୍ପଗୁଚ୍ଛ ଦେଇ ଶ୍ରୀ ଓରାମ ଙ୍କୁ ସ୍ୱାଗତ କରିଥିଲେ l 
ପରେ ଶ୍ରୀ ଓରାମ ମିଲିଟାରୀ ଯବାନ ମାନଙ୍କ ପାଇଁ ଉଦ୍ଦିଷ୍ଟ ରାଉରକେଲା ଇସ୍ପାତ କାରଖାନା ଦ୍ୱାରା ନିର୍ମାଣାଧୀନ ସି ଏସ ଡ଼ି କ୍ୟାଣ୍ଟିନ୍ ପରିଦର୍ଶନ କରିଥିଲେ ।ଶ୍ରୀ କୁଲକର୍ଣ୍ଣୀ ଓ ଧନେଶ୍ୱର ଦାସ ତାଙ୍କୁ କ୍ୟାଣ୍ଟିନ୍ ଗୃହ ଦୁରବସ୍ଥା ବିଷୟ ରେ ବିଶେଷ ଭାବରେ ଅବଗତ କରାଇଥିଲେ l କମାଣ୍ଡିଙ୍ଗ୍ ଅଫିସର ଙ୍କ କକ୍ଷ ରେ ଆଲୋଚନା ସମୟରେ ସାଂସଦ ପ୍ରଥମେ ଏନସିସି ଅଧିକାରୀ ଓ କର୍ମଚାରୀ ଙ୍କ କଲ୍ୟାଣ ଓ ଅସୁବିଧା ବିଷୟ ରେ ପଚାରି ବୁଝିଥିଲେ l ସି ଏସ ଡ଼ି କ୍ୟାଣ୍ଟିନ୍ ରେ ସ୍ଥାୟୀ କର୍ମଚାରୀ, ରାଉରକେଲା ଇସ୍ପାତ କାରଖାନା ତରଫରୁ ରାଜ୍ୟ ଓ କେନ୍ଦ୍ର ସରକାର ଙ୍କ ବିଭିନ୍ନ ବିଭାଗ କୁ ଆବାସିକ ସୁବିଧା ମିଳୁଥିବା ଭଳି ଏନସିସି ଅଧିକାରୀ ଓ କର୍ମଚାରୀ ଙ୍କ ପାଇଁ ଉପଯୁକ୍ତ ଆବାସିକ ସୁବିଧା ଲାଗୁ ହେବା ଏବଂ ଅର୍ଦ୍ଧନିର୍ମିତ ଓ ପରିତ୍ୟକ୍ତ କ୍ୟାଣ୍ଟିନ୍ ଗୃହ ନିର୍ମାଣ ଯଥାଶୀଘ୍ର ସମ୍ଭବ ଶେଷ କରିବା ଦିଗରେ ଆଲୋଚନା ହୋଇଥିଲା l କ୍ୟାଣ୍ଟିନ ପୂର୍ଣ୍ଣାଙ୍ଗ କରିବା ଦିଗରେ ଅବହେଳା କରୁଥିବା କଣ୍ଟ୍ରାକ୍ଟର କୁ ହଟାଇ ଅନ୍ୟ କଣ୍ଟ୍ରାକ୍ଟର କୁ ଦାୟିତ୍ୱ ଦେବାନେଇ ଆଲୋଚନା ସହ ସେଠାରେ କାର୍ଯ୍ୟରତ କର୍ମଚାରୀଙ୍କ ପାଇଁ ଆବାସିକ ସୁବିଧା ପାଇଁ ବିଭାଗୀୟ ମୁଖ୍ୟଙ୍କୁ କୁହାଯାଇଥିଲା l କାର୍ଯ୍ୟକ୍ରମର ଅଗ୍ରଗତି ସଂପର୍କରେ ରେ ବିବରଣୀ ଦେବାକୁ ଶ୍ରୀଓରାମଙ୍କ ବ୍ୟକ୍ତିଗତ ସହାୟକ ଆର ସି ବଡାଇକ ଓ ବାବାଜୀ ସାହୁଙ୍କୁ ଅନୁରୋଧ କରାଯାଇଥିଲା l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
