ବାଲେଶ୍ଵର,୨୮/୦୨/୨୩- ମୋ ଅନୁଷ୍ଠାନ ସାହିତ୍ୟ ସଂସଦ ଫେସବୁକ୍ ଗୃପ୍ ଦ୍ବାରା ଅନୁଷ୍ଠିତ ହୋଇଥିବା ଦ୍ବିତୀୟ ପର୍ଯ୍ଯାୟ ରାଜ୍ୟ ସ୍ତରୀୟ ଫଟୋ ପ୍ରତିଯୋଗିତାର ଫଳାଫଳ ନିକଟରେ ପ୍ରକାଶ ଯାଇଛି । ଏହି ପ୍ରତିଯୋଗିତାରେ ରାଜ୍ଯ ତଥା ରାଜ୍ୟ ବାହାରେ ବସବାସ କରୁଥିବା ଆଗ୍ରହୀ ସାହିତ୍ୟ ବନ୍ଧୁ ମାନେ ଅଂଶ ଗ୍ରହଣ କରିଥିଲେ । ସେଥିମଧ୍ୟରୁ ଅର୍ପିତା ମଲ୍ଲିକ, ଜଗତସିଂହପୁରଙ୍କୁ ମିଳିଛି ପ୍ରଥମ ସ୍ଥାନ । ଯିଏକି ବର୍ତ୍ତମାନ ସୁଦୂର ବାଙ୍ଗାଲୋରରେ ଏବେ କାର୍ଯ୍ୟରତ ଅଛନ୍ତି । ସେହିପରି ଯାଜ୍ଞସେନୀ ପଣ୍ଡାଙ୍କୁ ଦ୍ବିତୀୟ ଓ ଅନ୍ନପୂର୍ଣ୍ଣା ସାହୁଙ୍କୁ ତୃତୀୟ ସ୍ଥାନ ମିଳିଛି । ସମସ୍ତଙ୍କ ଫଟୋ ଗୁଡିକୁ ସମୀକ୍ଷା କରିଥିଲେ ସରସ୍ୱତୀ ପଣ୍ଡା, ଯାଜପୁର ଏବଂ ତାନଶ୍ରୀ ପାଣିଗ୍ରାହୀ, ବାଲେଶ୍ଵର । ଏହି ଫଳାଫଳରେ ମୁଗ୍ଧ ହୋଇ ବାଲେଶ୍ଵର ଜିଲ୍ଲା ଔପଦା ବ୍ଲକ ଫତେପୁର ପଞ୍ଚାୟତ ଡିମିରିଚୁଆ ଗ୍ରାମର ସମାଜସେବୀ ସରସ୍ୱତୀ ମାଝୀ ପ୍ରଥମ ସ୍ଥାନ ଅଧିକାର କରିଥିବା ଅର୍ପିତା ମଲ୍ଲିକଙ୍କୁ ପୁରସ୍କାର ସ୍ବରୂପ ୨ ଶହ ଟଙ୍କା ଅର୍ଥରାଶି ପ୍ରଦାନ କରିଛନ୍ତି । ଉକ୍ତ ପୁରସ୍କାର ରାଶି ଫୋନ ପେ କିମ୍ବା ଗୁଗୁଲି ପେ ମାଧ୍ୟମରେ ପଠାଇ ଦିଆଯିବ । ତେଣୁ ଶ୍ରୀମତୀ ମଲ୍ଲିକଙ୍କୁ ଅନୁରୋଧ ଯଥାଶୀଘ୍ର ନମ୍ବର ସମ୍ପାଦକ ନରେନ୍ଦ୍ର ପ୍ରସାଦ ନିକଟଙ୍କୁ ପଠାନ୍ତୁ । ପ୍ରକାଶ ଥାଉକି ଜଣେ ପ୍ରଥମ ସ୍ଥାନ ଅଧିକାର କଲାପରେ ପରବର୍ତ୍ତୀ ପର୍ଯ୍ଯାୟରେ ଭାଗନେଇ ପାରନ୍ତି ହେଲେ କୌଣସି ସ୍ଥାନ ମିଳିବ ନାହିଁ । ଫଟୋ ପ୍ରତିଯୋଗିତାରେ ଯେଉଁମାନେ ପ୍ରଥମ ସ୍ଥାନ ଅଧିକାର କରୁଛନ୍ତି ସେମାନଙ୍କୁ ଚଳିତ ବର୍ଷ ଡିସେମ୍ବର ମାସ ୨୭ ତାରିଖ ବାର୍ଷିକ ଉତ୍ସବରେ ମଞ୍ଚାସୀନ ଅତିଥି ମାନଙ୍କ ଦ୍ବାରା ସ୍ବତନ୍ତ୍ର ସମ୍ମାନରେ ସମ୍ମାନିତ କରାଯିବ । ଏଥିସହିତ ଅନ୍ୟ ମାନଙ୍କୁ ମଧ୍ୟ ସମ୍ବର୍ଦ୍ଧିତ କରାଯିବ ।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ