ପାପଡାହାଣ୍ଡି ,6/3, ମନିସ -ଗତ ରବିବାର ଦିନ ସନ୍ଧ୍ୟା 8ଟା ବେଳେ ନୂଆକୋଟ ପଂଚାୟତ ର ପିତାରୀଗୁଡା ଗ୍ରାମର ପୁରନ ଗୌଡ଼ ନିଜ ଝିଅ ଘର ନୀଳାଦ୍ରିଗୁଡା ଗ୍ରାମ କୁ ଯାଉଥିବା ବେଳେ ଏକ ବାଇକ CG 23K 7079 ପୁରନଙ୍କୁ ମୈଦଲପୁର ନିକଟରେ ଧକ୍କା ଦେଇଥିଲା l ଫଳରେ ଆହତ ଅବସ୍ଥା ରେ ରାସ୍ତା ଉପରେ ପଡିରହି ଥିବା ବେଳେ ଖବର ପାଇ ମୈଦଲପୁର ପୋଲିସ ଆହତ ବ୍ୟକ୍ତି ଙ୍କୁ ଉଦ୍ଧାର କରି ପାପଡାହାଣ୍ଡି ମେଡିକାଲ ରେ ଭର୍ତ୍ତି କରାଇଥିଲା l ଅବସ୍ଥା ଶଙ୍କଟାପନ ହେବା ରୁ ନବରଙ୍ଗପୁର ଜିଲ୍ଲା ମେଡିକାଲ କୁ ନିଆଯାଇଥିଲା l ଚିକିତ୍ସାଧୀନ ଅବସ୍ଥା ରେ ତାଙ୍କର ସୋମବାର ସକାଳ 6ଟା ବେଳେ ମୃତ୍ୟୁ ହୋଇଥିଲା l ତାଙ୍କର ଗୋଡ଼ ଭାଙ୍ଗିଯାଇଥିବା ବେଳେ ମୁଣ୍ଡ ଓ ହାତରେ ମାଡ଼ ବାଜି ଥିଲା l ଘଟଣା ସ୍ଥଳରେ ବାଇକ ଛାଡି ଚାଳକ ଫେରାର ହୋଇଯାଇଛି l ମୈଦଲପୁର ପୋଲିସ ବାଇକ ଜବତ କରି କେଶ ନଂ 32/23ମାମଲା ରଜୁ କରି ତଦନ୍ତ କରୁଥିବା ଥାନା ASI ଡି. ଦେବି କୁମାର କହିଛନ୍ତି l ଶବ ବ୍ୟବଛେଦ ପରେ ପରିବାର ବର୍ଗ ଙ୍କୁ ହସ୍ତାନ୍ତର କରାଯାଇଥିବା ଥାନା ଅଧିକାରୀ ନଟବର ନନ୍ଦ କହିଛନ୍ତି l
previous post