ତିର୍ତୋଲ : 06/03/23: – ବାଣୀକ୍ଷେତ୍ର ଜଗତସିଂହପୁର ଜିଲ୍ଲାର କଟକ ପାରାଦ୍ୱୀପ ରାଜପଥ ତେନ୍ତୁଳିପଦା ସାରଳା ରୋଡ଼ ଦୋସଡିକ ଛକ ଠାରେ ସୋମବାର ପୂର୍ବାହ୍ନ ରେ ଆଦିକବି ଶୁଦ୍ରମୁନି ସାରଳାଦାସ ଙ୍କ ପୂର୍ଣ୍ଣ ଅବୟବ ପ୍ରତିମୂର୍ତ୍ତି ର ଉନ୍ମୋଚନ ଉତ୍ସବ ମହାସମାରୋହ ରେ ଅନୁଷ୍ଠିତ ହୋଇଯାଇଛି !ସାରଳାଦାସ ସ୍ମୃତି ସଂସଦ ଓଡିଶା ଓ ସାରଳା ଦାସ ପ୍ରତିମୂର୍ତ୍ତି ନିର୍ମାଣ କମିଟି ମିଳିତ ଆନୁକୂଲ୍ୟରେ ଆୟୋଜିତ, ପ୍ରତିମୂର୍ତ୍ତି ଲୋକାର୍ପଣ ଉତ୍ସବରେ କମିଟି ର ସଭାପତି ସୁରେଶ ଚନ୍ଦ୍ର ମହାନ୍ତିଙ୍କ ସଭାପତିତ୍ବ କରିଥିଲେ ! ଓଡିଶାସାହିତ୍ୟ ଏକାଡେମୀ ର ପୂର୍ବତନ ସଭାପତି ସାତକୋଡ଼ି ହୋତା ଉଦଘାଟକ ଭାବେ ଯୋଗ ଦେଇଥିବା ବେଳେ ମୁଖ୍ୟଅତିଥି ଭାବେ ଲୋକସେବକ ମଣ୍ଡଳ ଓଡିଶା ଶାଖା ର ଅଧ୍ୟକ୍ଷ ନିରଞ୍ଜନ ରଥ , ସାରଳାଦାସ ଙ୍କ ପାଇଁ ଓଡ଼ିଆଜାତି ଓ ଓଡ଼ିଆ ଭାଷା ଆଜି ସମଗ୍ର ବିଶ୍ୱରେ ତାର ସ୍ୱତନ୍ତ୍ର ଗାରିମାମୟ ପରିଚୟ ସୃଷ୍ଟିକରି ପାରିଛି ବୋଲି ମତ ରଖିଥିଲେ !, ବିଶିଷ୍ଟ ସାହିତ୍ୟିକ ରମାକାନ୍ତ ମିଶ୍ର, ଅତିଥି ପରିଚୟ ଓ ସ୍ୱାଗତ ଭାଷଣ ଦେଇଥିବା ବେଳେ, ମୁଖ୍ୟବକ୍ତା ଏମସ ର ପ୍ରାକ୍ତନ ନିର୍ଦେଶକ ଡ ଅଶୋକକୁମାର ମହାପାତ୍ର ଓ ସମ୍ମାନିତ ଅତିଥିଭାବେ ସୀତାବଲ୍ଲଭ ମହାପାତ୍ର, ପର୍ଶୁରାମ ଦ୍ବିବେଦୀ , ଅଭିନନ୍ଦନିକା ପ୍ରଦୀପ୍ତ କୁମାର ବିଶ୍ୱାଳ ପ୍ରମୁଖ ସାରଳା ଦାସ ଙ୍କ ସାରସ୍ୱତସାଧନା ଓ କାଳଜୟୀ କୃତିତ୍ୱ ଉପରେ ଆଲୋକପାତ କରିବା ସହିତ, ଆଗାମୀ ଦିନରେ ରାଜ୍ୟର ସବୁଜିଲ୍ଲାରେ ସାରଳାଦାସ ଙ୍କ ପ୍ରତିମୂର୍ତ୍ତି ସ୍ଥାପନ କରିବା ନିମନ୍ତେ କମିଟି ଲକ୍ଷ୍ୟଧାର୍ଯ୍ୟ କରିଛି ବୋଲି ଘୋଷଣା କରିଥିଲେ !ଏହି ଅବସରରେ ଅନୁଷ୍ଠାନର ମୁଖପତ୍ର ସାରଳାସର୍ଜନା 2022 ଓ ସାରଳାପାଞ୍ଜି 2023 କୁ ଅତିଥି ମାନଙ୍କ ଦ୍ୱାରା ଉନ୍ମୋଚନ କରାଯାଇଥିଲା !ତେବେ ଏହି କାର୍ଯ୍ୟକ୍ରମ ଆରମ୍ଭ ପୂର୍ବରୁ ଝଙ୍କଡ଼ ସାହିତ୍ୟ ସଂସଦ ର ସଭାପତି ଶିକ୍ଷାବିତ ମହେନ୍ଦ୍ର କୁମାର ଆଚାର୍ଯ୍ୟ ଙ୍କ ସଭାପତିତ୍ବ ରେ ଅନୁଷ୍ଠିତ କବିତା ପାଠୋତ୍ସବକୁ,କବି ଦିଗାମ୍ବର ରାଉତ ଓ ପ୍ରତିଭା ମିଶ୍ର ସଂଯୋଜନା କରିଥିଲେ !ଏଥିରେ ବହୁସଂଖ୍ୟକ କବି କବୟିତ୍ରୀ ମାନେ ଯୋଗଦେଇ ସାରଳା ଦାସ ଙ୍କ ଉପରେ ସ୍ୱରଚିତ କବିତାପାଠ କରିଥିଲେ ! ଏହି ଅବସରରେ ମୂର୍ତ୍ତିଶିଳ୍ପୀ ଦିଲ୍ଲୀପ କୁମାର ସ୍ବାଇଁ ଙ୍କ ସମେତ ବିଭିନ୍ନ କ୍ଷେତ୍ରରେ ଦକ୍ଷତା ଓ ପାରଦର୍ଶିତା ନିମନ୍ତେ ଝଙ୍କଡ଼ ସାହିତ୍ୟ ସଂସଦ ର ପ୍ରତିଷ୍ଠାତା ସମ୍ପାଦକ ଗୋଲକ ବିହାରୀ ପଲାଇ, ଡକ୍ଟର ବିମଲ ପ୍ରସାଦ ଦାଶ, ବିରଜା ପ୍ରସାଦ ପରିଜା , ଡକ୍ଟର ବିଷ୍ଣୁପ୍ରିୟା ଦାସ, ଚିତ୍ତରଞ୍ଜନ ପରିଜା , ପରମାନନ୍ଦ ମିଶ୍ର, ବିକାଶ ଚନ୍ଦ୍ର ପରିଜା, ସୂର୍ଯ୍ୟ ନାରାୟଣ ପରିଜା , ସରପଞ୍ଚ ସରୋଜିନୀ ପରିଜା , ଆଶିଷ ମହାପାତ୍ର, ସୁବ୍ରତ କୁମାର ଦାସ , ଝୁଲାରାମ ଦାସ, ଚୌଧୁରୀ ରାଧାମୋହନ ପରିଜା , ସବିତା ନାୟକ , ଆଶିଷ ମହାନ୍ତି ଓ ରାଜେଶ କୁମାର ସାହାଣୀ ପ୍ରମୁଖ ଙ୍କୁ ଉତ୍ତରୀୟ ମାନପତ୍ର ଓ ପୁଷ୍ପଗୁଚ୍ଛ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା !ପଣ୍ଡିତ ବାସବ ନନ୍ଦ ନିମନ୍ତ୍ରିତ ଅତିଥିମାନଙ୍କୁ ମଞ୍ଚକୁ ସ୍ୱାଗତ କରିଥିବା ବେଳେ, ଇଞ୍ଜିନିଅର ସୁବାସ ଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ !