ଡାବୁଗାଁ, ୧୩/୩ (ମ. ନି. ସ.)- ନବରଙ୍ଗପୁର ଜିଲ୍ଲାର ଅଗ୍ରଣୀ କଳା ଓ ସାଂସ୍କୃତିକ ପରିଷଦ ଭାରତୀ କଳା ନିକେତନ ଉମରକୋଟର ସପ୍ତଦଶ ବାର୍ଷିକ ଉତ୍ସବ ଓ ପଞ୍ଚମ ତ୍ରିଦିବସୀୟ ନାଟକ ମହୋତ୍ସବ ଉଦଘାଟିତ ହୋଇଯାଇଛି l ଏହି ଅବସରରେ ଅପରାହ୍ନ ରେ ଏକ ମନୋରମ ସାହିତ୍ୟ କାର୍ଯ୍ୟକ୍ରମ ର ଆୟୋଜନ କରାଯାଇଥିଲା | ଏଥିରେ ଡାବୁଗାଁ ଭୈରବ ଉଚ୍ଚ ମାଧ୍ୟ୍ୟମିକ ବିଦ୍ୟାଳୟ ର ଅଧ୍ୟାପକ ରମେଶ ଚନ୍ଦ୍ର ନାହାକଙ୍କ ଦୁଇଟି କବିତା ସଂକଳନ “ଶ୍ରୀକ୍ଷେତ୍ର ଭଜନ ମାଳା “ଓ ଶତାବ୍ଦୀର ଆର୍ତ୍ତନାଦ “,ଅଧ୍ୟାପିକା ମଧୁସ୍ମିତା ମହାରଣାଙ୍କ ସମ୍ପାଦିତ ଗ୍ରନ୍ଥ ନାଟ୍ୟକାର ଗୋପାଳ ମହାରଣାଙ୍କ” କଂସ ଓ ଅନ୍ୟାନ୍ୟ ନାଟକ “ଏବଂ ଅଧ୍ୟାପକ ଗୋପାଳ ମହାରଣାଙ୍କ କବିତା ସଂକଳନ “ଟେନସନ “ଲୋକାର୍ପିତ ହୋଇଥିଲା |ସାହିତ୍ୟ ଏକାଡମୀ ସଦସ୍ୟ ବଲ୍ଲବ ରାଉତ ମୁଖ୍ୟ ଅତିଥି, ଡ଼ଃ ପରମେଶ୍ୱର ମୁଣ୍ଡ, ଡ଼ଃ ରାଜେନ୍ଦ୍ର ପାଢ଼ୀ ବକ୍ତା ଭାବରେ ମଞ୍ଚାସିନ ହୋଇଥିଲେ | ଅଧ୍ୟାପକ ପରୀକ୍ଷିତ ସାହୁ, ପ୍ରଫୁଲ୍ଲ କୁମାର ରାଉତ, ସୁଶ୍ରୀ ରାଧାରାଣୀ ସରକାର ଲୋକାର୍ପିତ ପୁସ୍ତକ ଗୁଡିକର ସମୀକ୍ଷା କରିଥିଲେ | ଶ୍ରୀ ସାଇମନ ବିଡ଼ିକା ସମ୍ନାନିତ ଅତିଥି ଭାବେ ଯୋଗ ଦେଇଥିଲେ |କାର୍ଯ୍ୟକ୍ରମ କୁ ସଂଚାଳନ କରିଥିଲେ ଅଧ୍ୟାପିକା ଏମ. ମଧୁଛନ୍ଦା | ଦ୍ଵିତୀୟ ଅଧିବେଶନ ରେ କବିତା ପାଠୋତ୍ସବ ଆୟୋଜନ କରାଯାଇଥିଲା |ଏଥିରେ 30 ଜଣ କବି ଓ କବୟିତ୍ରୀ ସ୍ୱରଚିତ କବିତା ପାଠ କରିଥିଲେ | ଶ୍ରୀମତୀ ସ୍ଵାଗତିକା ସାହୁ ଓ ସ୍ଵାଗତିକା ବାହିନୀପତି ସଂଯୋଜିକା ଭାବେ ଦାୟିତ୍ୱ ସମ୍ପାଦନା କରିଥିଲେ |
ସନ୍ଧ୍ୟାରେ ନାଟକ ଉତ୍ସବକୁ ମାନ୍ୟବର ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ ଉଦଘାଟନ କରିଥିଲେ |ସାମ୍ନାନିତ ଅତିଥି ଭାବେ ଉମରକୋଟ ପୌରାଧ୍ୟାକ୍ଷା ରାଧା ଭତ୍ରା ଯୋଗଦାନ କରିଥିଲେ | ବକ୍ତାଭାବେ ଡ଼ଃ ରାଜେନ୍ଦ୍ର ପାଢ଼ୀ ମଞ୍ଚାସିନ ଥିଲେ | ଅନୁଷ୍ଠାନର ସଭାପତି ଅଧ୍ୟାପିକା ମଧୁସ୍ମିତା ମହାରଣା ସଭାକାର୍ଯ୍ୟ ପରିଚାଳନା କରିଥିଲେ | ପ୍ରତିଷ୍ଠାତା ଓ ସମ୍ପାଦକ ଗୋପାଳ ମହାରଣା ବାର୍ଷିକ ବିବରଣୀ ପାଠକରିଥିଲେ. ଏହି ଅବସରରେ ଅନୁଷ୍ଠାନର ସର୍ବୋଚ୍ଚ ସମ୍ନାନ ” *ମାଆ* *ରାଧାଦେବୀ କଳାଶ୍ରୀ* ସମ୍ନାନ- ୨୦୨୩ ରେ ନାଟ୍ୟକାର ଡ଼ଃ ପରମେଶ୍ୱର ମୁଣ୍ଡ, ନାଟ୍ୟକାର ଗୌରୀପ୍ରସାଦ ରଥ ଓ ବିଶିଷ୍ଟ ସଂଗୀତ ନିର୍ଦ୍ଧେଶକ ଏମ ମାଧବ ପାତ୍ର ଓ କବି ଅଧ୍ୟାପକ ରମେଶ ଚନ୍ଦ୍ର ନାହାକଙ୍କୁ ମାନ୍ୟବର ସାଂସଦ ରମେଶ ଚନ୍ଦ୍ର ମାଝୀଙ୍କ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା |
ପ୍ରଥମ ସନ୍ଧ୍ୟାରେ ଦୁଇଟି ନାଟକ ପରିବେଷିତ ହୋଇଥିଲା |”ପ୍ରତିବିମ୍ବ” ନାଟକରେ ସାଇ ଅନୁଷ୍କା ମହାରଣା, ସୁନୟନା ପଟ୍ଟନାୟକ, ପାୟଲ ଡାକୁଆ ଓ ରବୀନ୍ଦ୍ର ନାୟକ ପ୍ରମୁଖ ଅଭିନୟ କରିଥିବା ସ୍ଥଳେ “ପୁଅ” ନାଟକରେ ଶ୍ରୀ ଅଭିରାମ ଲେଙ୍କା, ହିମାଂଶୁ ଦାସ, ଦୀପଶିଖା ନାୟକ, କାଜଲ ବାଡତ୍ୟା ଓ ଶିଶୁ କଳାକାର ଭାବେ ସାଇ ଅନୁଷ୍କା ମହାରଣା ନିଖୁଣ ଅଭିନୟ କରିଥିଲେ | ସାମାଜିକ କଥାବସ୍ତୁ ଉପରେ ଆଧାରିତ ଦୁଇଟି ଯାକ ନାଟକ ଦର୍ଶକଙ୍କୁ ବିମୋହିତ କରିଥିଲା | ଉକ୍ତ ନାଟକରେ ନିର୍ଦ୍ଧେଶନା ଦାୟିତ୍ୱ ଅଧ୍ୟାପିକା ମଧୁସ୍ମିତା ମହାରଣା ଏବଂ ସଂଗୀତ ନିର୍ଦେଶନା ଏମ.ମାଧବ ପାତ୍ର କରିଥିଲେ |
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡା ଙ୍କ ରିପୋର୍ଟ
