ପିଇଙ୍କ ଜାଣତ ରେ ଏପରି ହେଇଛି ବୋଲି ଅଭିଯୋଗ
ପ୍ରଧାନମନ୍ତ୍ରୀଙ୍କୁ ଅଭିଯୋଗ ପରେ ପ୍ରଶାସନ ତନାଘନା,
ଗୋଳାମୁଣ୍ଡା ତା୩/୩/,ମସିହା/ କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଏହି ବ୍ଲକର ଖଲିଆପାଲି ପଞ୍ଚାୟତରେ ଜଣେ ମୃତ ହିତାଧିକାରୀଙ୍କ ପ୍ରଧାନମନ୍ତ୍ରୀ ଆବାସ ଚୋରି ହୋଇଯାଇଛି । ମୃତ ହିତାଧିକାରୀଙ୍କ ପତ୍ନୀ ପ୍ରଧାନମନ୍ତ୍ରୀଙ୍କୁ ଅନଲାଇନ ଅଭିଯୋଗ ପରେ ପ୍ରଶାସନ ତନାଘନା ହେବା ଘଟଣା ଏଠାରେ ଚର୍ଚ୍ଚାର ବିଷୟ ହୋଇଛି । ପ୍ରାପ୍ତ ସୂଚନାରୁ ପ୍ରକାଶ ଯେ, ମୃତ ହିତାଧିକାରୀଙ୍କ ସ୍ତ୍ରୀଙ୍କ ଅଭିଯୋଗ ଅନୁସାରେ ଗୋଲାମୁଣ୍ଡା ବ୍ଲକ ଅନ୍ତର୍ଗତ ଖଲିଆପାଲି ପଞ୍ଚାୟତର ଖଲିଆପାଲି ଗାଁ ର ସ୍ବର୍ଗତ ଋଷିମୁଣି ଚଳାନଙ୍କୁ ଗତ ୨୦୧୭-୧୮ ମସିହାରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଏକ ଘର ମିଳିଥିଲା । ସେହି ପାଖରେ ଲାଗିକି ଥିବା ଆଉ ଜଣେ ହିତାଧିକାରୀ ପଡୋଶୀ ସ୍ନେହଲତା ଚଲାନଙ୍କୁ ମଧ୍ୟ ଏକ ଘର ଆସିଥିଲା । ହେଲେ ସ୍ନେହଲତାଙ୍କ ପୁଅ ମକାରୁ ଚଳାନ ମୃତ ଋଷିମୁଣି ଚଳାନଙ୍କୁ ଘର ତିଆରି କରିଦେବା ପାଇଁ କହିଥିଲେ । ଋଷିମୁଣି ଚଳାନଙ୍କ ନାମରେ ଗତ ୨୦୧୭ ମସିହା ଜୁନ ୬ ତାରିଖରେ ପ୍ରଥମ ବିଲ ,୨୦ ହଜାର, ୨୦୧୯ ମସିହା ଫେବୃଆରୀ ୨୨ ତାରିଖରେ ଦ୍ୱିତୀୟ ବିଲ ୩୫ ହଜାର, ଓ ୨୦୨୦ ମସିହା ଜାନୁଆରୀ ୩୦ ତାରିଖରେ ତୃତୀୟ ବିଲ ୪୫ ହଜାର ଟଙ୍କା ଉଠିଛି । ଗତ ୨୦୨୦ ମସିହାରେ ଋଷିମୁଣି ଚଳାନଙ୍କ ମୃତ୍ୟୁ ହୋଇଥିଲା,ଏହି ସୁଯୋଗ ନେଇ ମକାରୁ ଚଳାନ ତାଙ୍କ ମାଁ ନାରେ ଆସିଥିବା ଘର ଓ ଋଷିମୁଣି ଚଳାନଙ୍କ ନାମରେ ଆସିଥିବା ଘରକୁ ଚତୁରତା ସହିତ କେହି ନ ଜାଣିଲା ଭଳି ଗୋଟିଏ ଘର ନିର୍ମାଣ କରିଥିଲେ । ହେଲେ ଏ ସମସ୍ତ ପ୍ରକ୍ରିୟାକୁ ମୃତ ଋଷିମୁଣି ଚଳାନଙ୍କ ପତ୍ନୀ ଜୁଦ ଚଳାନ ଜାଣି ନ ଥିଲେ । ତାଙ୍କ ସ୍ବାମୀ ଘର ପାଇଥିଲେ ସୁଦ୍ଧା ତାଙ୍କ ପାଖରେ ଘର ନ ଥିବା ନେଇ ଗତ ଡିସେମ୍ବର ମାସରେ ପ୍ରଧାନ ମନ୍ତ୍ରୀଙ୍କୁ ଅନଲାଇନ ଅଭିଯୋଗ କରିଥିଲେ । ଏନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ କଳାହାଣ୍ଡି ଜିଲ୍ଲାପାଳଙ୍କୁ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଥିଲା । ଜିଲ୍ଲାପାଳଙ୍କ ତଦନ୍ତ ନିର୍ଦ୍ଦେଶ ପରେ ଆଜିଏନେଇ ଗୋଲାମୁଣ୍ଡା ବିଡ଼ିଓ,ସିଂହଧାରାଣୀ ପଧାନ,ଏପିଡ଼ି ସହିତ ଓ ପିଇଓ ଘଟଣା ସ୍ଥଳକୁ ଯାଇ ତଦନ୍ତ କରିବା ସହିତ ଘର ନିର୍ମାଣ କରିଥିବା ମକାରୁ ଚଳାନଙ୍କୁ ଘର ଛାଡ଼ିବାକୁ ନିର୍ଦ୍ଦେଶ ଦେଇଥିଲେ । ଏନେଇ ଖଳିଆପଲି ପିଇଓ ରମାକାନ୍ତ ମହାପାତ୍ର ଙ୍କୁ ପଚରିବାରୁ ଏହାର ସମାଧାନ ହୋଇଯାଇଛି, ଆସନ୍ତା କାଲି ବୃଦ୍ଧା ଜୁଦ ଚଳାନଙ୍କୁ ତାଙ୍କ ଘର ଦେବା ପାଇଁ ଆମେ କହିଛୁ ବୋଲି ସଫେଇ ଦେଇଥିଲେ । ଏ ଘଟଣା ପଛରେ ଖାଲିଆପାଲି ପିଇଓ ରମାକାନ୍ତ ମହାପାତ୍ର ଜାଣିଶୁଣି କାହିଁକି ତିନୋଟି ବିଲ ପୈଠ କଲେ । ଗୋଳାମୁଣ୍ଡା ପ୍ରଶାସନ ଭୁଲ କରିଥିବା ଲୋକଙ୍କ ପ୍ରତି କଣ ପଦକ୍ଷେପ ନେବେ ତାହା ଆଗାମୀ ଦିନକୁ ସ୍ଥାନୀୟ ଜନସାଧାରଣ ଅପେକ୍ଷା,
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ ମସିହା ନିଉଜ୍ ପ୍ରତିନିଧି,
