କର୍ଲାମୁଣ୍ଡା: ଏହି ବ୍ଲକ ଯୋରାଡବରା ପଞ୍ଚାୟତ କୁସୁର୍ଲା ହଜାରୀପଡା କଳାରୁଦ୍ର ଯୁବକ ସଂଘ ପାକ୍ଷରୁ ପବିତ୍ର ଅକ୍ଷୟ ତୃତୀୟା ଅବସରରେ ଜଳଛତ୍ର ଶୁଭାରମ୍ଭ କରାଯାଇଛି l କଳାରୁଦ୍ର ଯୁବକ ସଂଘର କର୍ମକର୍ତ୍ତା ଓ ରାମଜୀ ସାଂସ୍କୃତିକ ଅନୁଷ୍ଠାନ କର୍ମକର୍ତ୍ତା ମିଳିତ ଆନୁକୂଲ୍ୟରେ କୁସୁର୍ଲା ହଜାରୀପଡା ଛକ ଠାରେ ଜଳଛତ୍ର ଖୋଲାଯାଇଛି l ଗ୍ରୀଷ୍ମ ପ୍ରବାହର ପ୍ରଚଣ୍ଡ ଖରାରେ ପାଣି ଟିକେକ ପାଇଁ ଲୋକମାନେ ହନ୍ତସନ୍ତ ହେଉଥିବା ବେଳେ ତାହାକୁ ଦୃଷ୍ଟିରେ ରଖି ଜଳଛତ୍ର ର ବ୍ୟବସ୍ତା କରାଯାଇଛି l ଆୟୋଜିତ 
କାର୍ଯ୍ୟକ୍ରମରେ ରାମଜୀ ସାଂସ୍କୃତିକ ଅନୁଷ୍ଠାନ ର ସଭାପତି ଶ୍ୟାମରାଜ ସାହୁ, ରାମଜୀ ସାଂସ୍କୃତିକ ଅନୁଷ୍ଠାନ ର ପୂର୍ବତନ ସମ୍ପାଦକ କ୍ଷେତ୍ରୀ ସାହୁ, ସମାଜସେବୀ ରୋମାଞ୍ଚଳ ସାହୁ,ୱାର୍ଡ ମେମ୍ବର ଡମ୍ୱରୁ ସାହୁ, ରାମରାଜ ସାହୁ, ନୀଳକଣ୍ଠେଶ୍ଵର ସାହୁ, ଅରବିନ୍ଧ ସାହୁ, ହେମନ୍ତ ସାହୁ, ତୁଷ୍ମନ୍ତ ସାହୁ ସହଯୋଗ କରିଥିବା ବେଳେ ଜାତୀୟ ଯୁବ ସ୍ୱେଚ୍ଛାସେବୀ ସନତ କୁମାର ସାହୁ ଉପସ୍ଥିତ ଥିବା ସମସ୍ତ କର୍ମକର୍ତ୍ତାଙ୍କୁ ହୃଦୟର ସହିତ ଧନ୍ୟବାଦ ଅର୍ପଣ କରିଥିଲେ l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
