ଭବାନୀପାଟଣା ତା: 02.05.2023 :- 10 ବର୍ଷ ପୂର୍ବରୁ ପଞ୍ଜୀକରଣ କରାଯାଇ ଆଧାର ପାଇଥିବା ବ୍ୟକ୍ତିମାନଙ୍କ ଆଧାର କାର୍ଡ ରେ ପରିଚୟ ପ୍ରମାଣ ଓ ଠିକଣା ପ୍ରମାଣକୁ ସଂଯୋଗ କରିବା ପ୍ରକ୍ରିୟାକୁ “ଆଧାର ଡକୁମେଣ୍ଟ ଅପଡେଟ” କୁହାଯାଏ । ଏହି ଉପଲକ୍ଷେ ଆଜି ସ୍ଥାନୀୟ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ପୁରୁଣା କୋଠାରେ ଏକ ସ୍ଵତନ୍ତ୍ର କ୍ଯାମ୍ପ ଖୋଲାଯାଇଛି । ସମସ୍ତ ସରକାରୀ ଅଧୀକାରୀ ଓ କର୍ମଚାରୀ ଏହାର ସୁଯୋଗ ନେଇ ନିଜର ଆଧାର ଅପଡେଟ କରାନ୍ତୁ ବୋଲି ଜିଲ୍ଲାପାଳ ପ୍ରକାଶ 
କରିଛନ୍ତି । ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟ ପାଇଁ ଆଧାର କାର୍ଡ ଅନିବାର୍ଯ୍ୟ ହୋଇଛି । ଏହି ସ୍ଵତନ୍ତ୍ର କ୍ୟାମ୍ପ ରେ ଗଣମାଧ୍ୟମ ପ୍ରତିନିଧି ଆସି ଆଧାର ଅପଡେଟ କରିବା ପାଇଁ ମଧ୍ୟ ଅନୁରୋଧ କରାଯାଇଛି । ଏହି ସ୍ଵତନ୍ତ୍ର କ୍ୟାମ୍ପ ବ୍ୟତୀତ ଆଧାରରେ ନିଜର ମୋବାଇଲ ନମ୍ବର ସଂଯୋଗ ଥାଏ ତେବେ ଅନଲାଇନରେ myaadhaar.uidai.gov.in ପୋର୍ଟାଲ ମାଧ୍ୟମରେ ନିଜ ଡକୁମେଣ୍ଟ ଅପଡେଟ କରିପାରିବେ । ଆଧାର ଅପଡେଟ ପାଇଁ ବ୍ଲକ ମାନଙ୍କ ଦ୍ଵାରା ପଞ୍ଚାୟତ ଓ ଗ୍ରାମସ୍ତରରେ କରାଯାଇଥିବା କ୍ୟାମ୍ପ , ଏନ.ଏ.ସି ଓ ମୁନିସିପାଲିଟି ଅଞ୍ଚଳରେ କରାଯାଇଥିବା କ୍ୟାମ୍ପ , କେତେକ ନିର୍ଦ୍ଦିଷ୍ଟ ବ୍ୟାଙ୍କ / ପୋଷ୍ଟ ଅଫିସ /ଜନସେବା କେନ୍ଦ୍ର ରେ ଆଧାର ଅପଡେଟ 50 ଟଙ୍କା ଦେୟରେ କରାଯାଉଛି । ସମସ୍ତଙ୍କୁ ଅନୁରୋଧ ଏହାର ସୁଯୋଗ ଦେଇ ନିଜର ଆଧାର ଅପଡେଟ କରାନ୍ତୁ ।
ମସିହା ନିୟୁଜ୍ ସର୍ଭିସ୍
