*ବିଶ୍ୱ ମହିଳା ଦିବସ*
*ନାରୀ*
*ବାସନ୍ତୀ ଲତା ଜେନା*
ନାରୀ ନାରାୟଣୀ ସୃଜନ କାରିଣୀ
ଘରକୁ କରେ ସୁନ୍ଦର
ସ୍ନେହ କରୁଣାର ମମତାମୟୀ ସେ
ସଭିଙ୍କୁ କରେ ନିଜର l୧l
ପୁରୁଷଙ୍କ ଠାରୁ କମ ନୁହେଁ ସେତ
ଦକ୍ଷତାରେ ଭରପୁର
ଗୋଟିଏ ମୁଦ୍ରାର ଦୁଇଗୋଟି ପାର୍ଶ୍ୱ
ପ୍ରୀତି ଅର୍ଘ୍ୟ ହୁଏ ତାର l୨l
ନାରୀକୁ ସମ୍ମାନ ପ୍ରଶଂସା ଦେବାକୁ
ବିଶ୍ୱମହିଳା ଦିବସ
ମାର୍ଚ୍ଚ ମାସ ଆଠ ପାଳନ ହୁଅଇ
ସଭିଙ୍କ ମନ ହରଷ l୩l
ସମାଜରେ ନାରୀ ଗୁରୁତତ୍ୱ ଅଧିକ
କେବେ ସେ ଅବଳା ନୁହେଁ
ପୁରାତନ ଠାରୁ ଆଧୁନିକ ଯୁଗ
ଦକ୍ଷତା ସୂଚାଇ ଦିଏ। l ୪l
ବୈଦିକ ଯୁଗରେ ଗାର୍ଗୀ ଲୋପା ମୁଦ୍ରା
ସଂଘମିତ୍ରା ଲୀଳାବତୀ
ବିଶ୍ୱବରା ମୈତ୍ରେୟୀ ବିଦୂଷି ଗଣ
ପ୍ରସିଦ୍ଧି ଲାଭ କରନ୍ତି l୫l
ମଧ୍ୟ ଯୁଗରେ ତ ପଦ୍ମିନୀ ଅହଲ୍ୟା
ମୀରାବାଈ ଲଷ୍ମୀବାଇ
ଏମାନଙ୍କ ଦାନ ଅତୁଳନୀୟ ଯେ
ଶଦ୍ଦରେ ପ୍ରକାଶ ନାହିଁ l୬l
ସରୋଜିନୀ ନାଇଡ଼ୁ ଇନ୍ଦିରା ଗାନ୍ଧୀ
କଳ୍ପନା ସlନିଆ ମିର୍ଜା
ନିଜ ଦକ୍ଷତାର ପରିଚୟ ଦେଇ
ଉଡ଼ାଇଲେ ଦେଶେ ଧ୍ୱଜା l୭l
ନାରୀ ସୃଷ୍ଟି କରେ ମହାପୁରୁଷଙ୍କୁ
ଧର୍ମର ସୁରକ୍ଷା ପାଇଁ
ଶଙ୍କରା ଚାର୍ଯ୍ୟ ଶ୍ରୀଚୈତନ୍ୟ ଶିବାଜୀ
ଯଶୋଦା କଳା କହ୍ନେଇ l୮l
ଶ୍ରୀରଘୁନନ୍ଦନ ଗଉତମ ବୁଦ୍ଧ
ଆଲୋକିତ କଲେ ମହୀ
ଯୀଶୁ ମହମ୍ମଦ ଅମର କାହାଣୀ
ରହିଛି ଭାସ୍ଵର ହୋଇ l୯l
ଯୌତୁକ ଯୁଇରେ ବଧୂ ଜଳୁଅଛି
କୁସଂସ୍କାର ପ୍ରଥା ସେହି
ନାରୀ ନିର୍ଯ୍ୟାତନା ଆଜି ସରି ନାହିଁ
କାମୁକ ପୁରୁଷ ପାଇଁ l୧୦l
ନାରୀ ନୁହେଁ ଆଜି ଅବଳା ଦୁର୍ବଳl
ପ୍ରତି କ୍ଷେତ୍ରେ ପାଦ ତାରେ
ଘରକୁ ସମ୍ଭାଳେ କମ୍ପାନୀ ଚଳାଏ
ଅଗ୍ରଣୀ ସେ ସବୁ ଠାରେ l୧୧l
ଦେଶ ଶାସନରେ ଭାଗ ନେଉଅଛି
ଜାହାଜ ଚଳାଉ ଅଛି
ବ୍ୟବସାୟ କରେ ସ୍ୱାବଲମ୍ବୀ ହୁଏ
କାମେ ଛୋଟ ନ ଦେଖୁଛି l୧୨l
ଶକ୍ତିମୟୀ ନlରୀ ଘରକୁ କରଇ
ମର୍ତ୍ତ୍ୟ ବଇକୁଣ୍ଠପୁର
ଗୁରୁ ଅତିଥିଙ୍କୁ ପୂଜନ କରଇ
ଶତ୍ରୁଙ୍କୁ କରେ ସଂଘାର l୧୩l
ସେହି ନାରୀଙ୍କର ସୁରକ୍ଷା ପାଇଁକି
ତତପର ସର୍ବେ ହେବା
ତାହାକୁ ସମ୍ମାନ ପ୍ରେରଣା ଯୋଗାଇ
ଦେଶର ହିତ କରିବା l୧୪l
ଆଜ ଦିନ ପରା ପବିତ୍ର ଦିବସ
ସଭିଏଁ ସଂକଳ୍ପ ନେବା
ସାରା ବିଶ୍ୱେ ଯେତେ ମହିଳା ଅଛନ୍ତି
ମନରେ ଶ୍ରଦ୍ଧା ରଖିବା l୧୫l
ଗାନ୍ଧିନଗର, ନବରଙ୍ଗପୁର l
