ଲାଞ୍ଜିଗଡ଼,୦୯/୦୩(ମ.ନି.ସ)-ମାଓପ୍ରବଣ ଅଞ୍ଚଳରେ ଲୋକଙ୍କ ବିଶ୍ବାସଭାଜନ ହେବା ସହିତ ବାମପନ୍ଥୀଙ୍କ ହିଂସାରୁ ଅଞ୍ଚଳକୁ ମୁକ୍ତ କରିବା ଓ ବ୍ୟାପକ ଜନସଚେତନତା ପାଇଁ ପୁଲିସ ପ୍ରଶାସନ ପକ୍ଷରୁ ବିଭିନ୍ନ ସମୟରେ ଜନସଂପର୍କ ଶିବିର ମାନ ଆୟୋଜନ କରାଯାଉଛି ! ଏହିକ୍ରମରେ ଆଜି ଲାଞ୍ଜିଗଡ଼ ବ୍ଲକର ଦୁର୍ଗମ ତଥା ମାଓ ଅଧ୍ୟୁଷିତ ତ୍ରିଲୋଚନପୁର ଠାରେ ସିଆରପିଏଫ୍ ପକ୍ଷରୁ ଏକ ଜନସଂପର୍କ ଶିବିର ଅନୁଷ୍ଠିତ ହୋଇଯାଇଛି । 
ଏଥିରେ ତ୍ରିଲୋଚନପୁର ଗ୍ରାମପଞ୍ଚାୟତର ଅମଠାପଦର, ଲଡାଙ୍ଗ, ଗନ୍ଧଣୀ, ଫୁଲଡୁମେର, ଖେମୁଣ୍ଡିପଦର, ଆମଗୁଡା, ସାପଚଞ୍ଚରା ଆଦି ଗାଁରୁ ଶତାଧିକ ମହିଳା ଓ ପୁରୁଷ ସାମିଲ ହୋଇଥିଲେ । ମୁଖ୍ୟଅତିଥି ଭାବେ କମାଣ୍ଡାଣ୍ଟ ମନୋଜ କୁମାର ଯାଦବ ଯୋଗ ଦେଇଥିବାବେଳେ ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ସଭ୍ୟ ପରୀକ୍ଷିତ ନାଏକ ଓ ତ୍ରିଲୋଚନପୁର ସରପଞ୍ଚ ଲଷ୍ମୀ ମାଝୀ ଯୋଗ ଦେଇଥିଲେ ।
ତ୍ରିଲୋଚନପୁର ସ୍ଥିତ ସିଆରପିଏଫ୍ କ୍ୟାମ୍ପ୍ ପରିସରରେ ଆୟୋଜିତ ଶିବିରରେ ଅଞ୍ଚଳବାସୀ ଜନସାଧାରଣଙ୍କୁ ୧୪୫ଟି ରେଡ଼ିଓସେଟ୍ ଓ ୩୮ ଗୋଟି ସୋଲାର ଲ୍ୟାମ୍ପ୍ ଦିଆଯାଇଥିଲା । କ୍ୟାମ୍ପ୍ କମାଣ୍ଡର ପ୍ରବୀଣ ନେନବାଲଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଶିବିରକୁ ଯବାନମାନେ ପରିଚାଳନା କରିଥିଲେ । –ଲାଞ୍ଜିଗଡ଼ରୁ ସୁଶୀଲ କୁମାର ବାଗଙ୍କ ରିପୋର୍ଟ୍
