କେସିଙ୍ଗା, 10.03.2022 – କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ଅନ୍ତର୍ଗତ ଦେଓଗାଁ ସରକାରୀ ହାଇସ୍କୁଲରେ 5T ରୂପାନ୍ତରଣ ଅନ୍ତର୍ଗତ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରାଜ୍ୟ ସରକାରଙ୍କ 5T ରୂପାନ୍ତରଣ କାର୍ଯ୍ୟକ୍ରମରେ ଦେଓଗାଁ ସରକାରୀ ହାଇସ୍କୁଲ ସାମିଲ ହୋଇଥିବା ବେଳେ ଏଠାରେ ରୂପାନ୍ତରଣ କାର୍ଯ୍ୟକ୍ରମ ମାଧ୍ୟମରେ ସ୍କୁଲ ପରିବେଶର ଉନ୍ନତିକରଣ ଏକ ମୁଖ୍ୟ ପଦକ୍ଷେପ । ସ୍କୁଲ ପରିବେଶ ଶିକ୍ଷା ଉପଯୋଗୀ ତଥା ଛାତ୍ରଛାତ୍ରୀଙ୍କ ମଧ୍ୟରେ ସକାରାତ୍ମକ ଚିନ୍ତାଧାରା ସୃଷ୍ଟି କରିପାରୁଥିବା ଆବଶ୍ୟକ । ଏହାଛଡା ସ୍କୁଲ ପରିବେଶର ସୌନ୍ଦର୍ଯ୍ୟକରଣ ପାଇଁ ବିଭିନ୍ନ ପ୍ରକାରର ବୃକ୍ଷ, ଫୁଲ ଓ ଫଳ ଗଛର ରୋପଣ କରିବା ଏବଂ ଛାତ୍ରଛାତ୍ରୀ, ଅଭିଭାବକ ତଥା ଗ୍ରାମବାସୀଙ୍କ ସ୍କୁଲ ପ୍ରତି ଆକୃଷ୍ଟ କରାଇବା ଏହାର ମୃଖ୍ୟ ଉଦ୍ଦେଶ୍ୟ ରହିଛି ବୋଲି ପ୍ରଧାନଶିକ୍ଷକ ପ୍ରକାଶ କରିଛିନ୍ତି ।
ବିଦ୍ୟାଳୟ ସମସ୍ତ ଶିକ୍ଷକ ତଥା ଶିକ୍ଷୟତ୍ରୀ ଏବଂ ବିଦ୍ୟାର୍ଥୀଙ୍କ ସହଯୋଗରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ବିଦ୍ୟାଳୟର ପ୍ରଧାନଶିକ୍ଷକ ସମୀର କୁମାର ବେହେରା ଏବଂ ଇକୋକ୍ଲବର ଇଚଚାର୍ଜ ଶିକ୍ଷକ କୁମେଶ୍ୱର ଶବରଙ୍କ ପ୍ରତ୍ୟକ୍ଷ ତତତ୍ତ୍ୱାବଧାନରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ଜଣାପଡିଛି ।
ଏଲ କୋଟେଶ୍ୱର ନାଇଡୁ, କେସିଙ୍ଗା