କୋକସରା,୨୩/୫- କଳାହାଣ୍ଡି ଜିଲ୍ଲା ସ୍ତରୀୟ ମିଳିତ ଅମଲା ମଞ୍ଚର ଡାକରାକୁ ସମର୍ଥନ ଜଣାଇ ସୋମବାର କୋକସରା ବ୍ଲକର ଅମଲା କର୍ମଚାରୀ ମାନେ କଳାବ୍ୟାଚ ପରିଧାନ କରି ସଙ୍ଘ ତରଫରୁ ଦିଆ ଯାଇଥିବା ଆନ୍ଦୋଳନକୁ ସମର୍ଥନ ଜଣାଇ ପ୍ରତିବାଦ କରିଛନ୍ତି। ସଙ୍ଘର ଦାବି ଅନୁସାରେ ଗ୍ରେଡ ପେ ଲେବଲ ୪ କର୍ମଚାରୀଙ୍କୁ ଗ୍ରେଡ ୯ ଲେବଲକୁ ବୃଦ୍ଧି କରିବା ନେଇ ପ୍ରମୁଖ ଦାବି ରହିଛି। ୨୨ ତାରିଖରୁ ୩୧ ତାରିଖ ପର୍ଯ୍ୟନ୍ତ ଅମଲା କର୍ମଚାରୀ ମାନେ ପ୍ରତିବାଦ ସ୍ବରୂପ କଳାବ୍ୟାଚ ପିନ୍ଧି କାର୍ଯ୍ୟ କରିବେ । ଯଦି ରାଜ୍ୟ ସରକାର କୌଣସି ପଦକ୍ଷେପ ନନିଅନ୍ତି ତାହେଲେ ଜୁନ ୧ ତାରିଖରୁ ସମୁହ ଛୁଟିରେ ଯିବାକୁ ଚେତାବନୀ ଦେଇଛନ୍ତି। କୋକସରା ଅମଲା କର୍ମଚାରୀ ସଂଘ ପକ୍ଷରୁ ବ୍ଲକ, ତହସିଲ ଓ ଶିକ୍ଷା ବିଭାଗରେ କାର୍ଯ୍ୟରତ ଅମଲା କର୍ମଚାରୀ ବିଜୟ ଚନ୍ଦ୍ର ବେହେରା, ଅଚ୍ୟୁତାନନ୍ଦ ନାଗ, ରାଜୀବ କୁମାର ନାଏକ, ମିହିର କୁମାର ବେହେରା, ସୁଶାନ୍ତ ମହାପାତ୍ର, ଚିନ୍ତାମଣି ସତନାମୀ, ରୁକଚନ ପାତ୍ର, ଲିଲାନିଧି ପାଟ୍ଟଯୋଷୀ, ସୁବାଷ ଚନ୍ଦ୍ର ରାଉତ, ତନୁର୍ଯ୍ୟ ପଟ୍ଟନାୟକ ଓ ପ୍ରତାପ ନାଗ ପ୍ରମୁଖ ଉପସ୍ଥିତ ଥିଲେ।
ମସିହା ନିୟୁଜ୍ ସର୍ଭିସ୍
