ପାପଡାହାଣ୍ଡି,4/6, ମନିସ — ଦୈନନ୍ଦିନ ଗଛ କଟା ଯୋଗୁଁ ଜଙ୍ଗଲ ସଫା ହେବାକୁ ବସିଛି | ଜଙ୍ଗଲ କ୍ଷୟ ଯୋଗୁଁ ପରିବେଶ ସନ୍ତୁଳିତ ରହୁନି | ଠିକ ସମୟରେ ଋତୁ ଚକ୍ର ଘଟୁନି | ବାରମ୍ବାର ପୃଥିବୀରେ ବିପର୍ୟ୍ୟ ଘଟୁଛି | ଏପରି ସମୟରେ ସାଇକେଲରେ ଯାତ୍ରା କରି, ଗାଁ ଗାଁ ବୁଲି ଲୋକଙ୍କୁ ପରିବେଶ ନେଇ ସଚେତନତା କରିବା ସହ ସୁସ୍ଥ ପରିବେଶ ପ୍ରଦୂଷଣ ମୁକ୍ତ ଭାରତ ଗଠନ ତାଙ୍କର ଲକ୍ଷ | ସାରା ଭାରତର ବିଭିନ୍ନ ରାଜ୍ୟ ବୁଲି ବୁଲି ସଚେତନତା ଦେଉଛନ୍ତି କୋଲକତାର ରାମ ପ୍ରସାଦ ନସ୍କର | ପେସାରେ ସେ ଜଣେ ଶିକ୍ଷକ କିନ୍ତୁ ପ୍ରତି ବର୍ଷ ଗ୍ରୀଷ୍ମ ଅବକାଶ ଆସିଲେ ସେ ସାଇକେଲ ଧରି ବାହାରିଯାନ୍ତି ଭାରତ ଭ୍ରମଣରେ | ଗାଁ ଗାଁ ବୁଲି ଲୋକଙ୍କୁ ପ୍ରଦୂଷଣ ମୁକ୍ତ ରଖିବା | ଗଛ ଲଗାଇବା | ବ୍ୟାପକ 
ମାତ୍ରାରେ ମୋଟର ଗାଡି ବ୍ୟବହାର ନ କରି ସାଇକେଲ ଚଳାଇ ସୁସ୍ଥ ରହିବା ଲାଗି ସେ ପରାମର୍ଶ ଦେଉଛନ୍ତି | କଳାହାଣ୍ଡି ଜିଲ୍ଲା ଦେଇ ସେ ରବିବାର ପାପଡାହାଣ୍ଡିରେ ପହଁଚିବା ପରେ ତାଙ୍କୁ ସ୍ଥାନୀୟ ଯୁବ ସମାଜ ତରଫରୁ ସ୍ୱାଗତ କରାଯାଇଥିଲା | ରାମ ପ୍ରସାଦଙ୍କ କାର୍ଯ୍ୟକୁ ପ୍ରଶଂସା କରାଯାଇଥିଲା | ନସ୍କର ଇତି ମଧ୍ୟରେଗତ ମେ 22 ରୁ ବାହାରି ଓଡିଶା ର 15 ଟି ଜିଲ୍ଲା ବୁଲି ଲୋକଙ୍କୁ ସଚେତନତା କରିଥିବା କହିଛନ୍ତି | ଦିନକୁ ସେ 100 କିମି ରୁ ଉର୍ଦ୍ଧ ସାଇକେଲରେ ଯାତ୍ରା କରୁଛନ୍ତି | ବର୍ତମାନ ପୁରା ଓଡିଶା ଯାତ୍ରା କରି ନିଜ ଘର କୋଲକତା ଫେରିବେ ବୋଲି ସୂଚନା ଦେଇଛନ୍ତି |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
