ନର୍ଲା (ମନିସ) ଆଗାମୀ ଦିନରେ ସମ୍ଭାବ୍ୟ ବନ୍ୟା ଓ ବାତ୍ୟାର ସଫଳ ମୁକାବିଲା ପାଇଁ ନର୍ଲା ଅଗ୍ନିଶମ ବିଭାଗ କର୍ମଚାରୀ ମାନଙ୍କୁ ନେଇ ନର୍ଲା ଠାରେ ଏକ ମକଡ୍ରିଲ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ଏହା ପୂର୍ବରୁ ଟେବୁଲ୍ ଟପ୍ ପ୍ରସ୍ତୁତି ବୈଠକ 
ହୋଇଥିଲା। ନର୍ଲା ଅଗ୍ନିଶମ ବିଭାଗର ଭାରପ୍ରାପ୍ତ ଅଧିକାରୀ ତ୍ରୀନାଥ ଭୋଇଙ୍କ ନେତୃତ୍ବରେ ଉପସ୍ଥିତ କର୍ମଚାରୀଗଣ ବନ୍ୟାରେ ଜଳବନ୍ଦୀ ଘେରରେ ଥିବା ବ୍ୟକ୍ତିଙ୍କୁ କିଭଳି ଭାବେ ଉଦ୍ଧାର କରାଯାଇ ପାରିବ ଏହାର ଉଦାହରଣ ସକାଶେ ଜଳବନ୍ଦୀକୁ ଲାଇଫ ଜ୍ୟାକେଟ ପିନ୍ଧାଇ ବୋଟ ମାଧ୍ୟମରେ ଉଦ୍ଧାର କାର୍ଯ୍ୟକୁ ଫାୟାର ମ୍ୟାନ ପୂର୍ଣ୍ଣଚନ୍ଦ୍ର ସେଠ, ଶେଷଦେବ ମାଝୀ, ବୈଷ୍ଣବ 
ନାଏକ ଓ ଉପସ୍ଥିତ କର୍ମଚାରୀଗଣ ପ୍ରଦର୍ଶନ କରିଥିଲେ। ଏହି ସ୍ଵତନ୍ତ୍ର କାର୍ଯ୍ୟକ୍ରମରେ ନର୍ଲା ବିଧାୟକ ଭୂପିନ୍ଦର ସିଂ, ନର୍ଲା ତହସିଲଦାର ଶଙ୍କର ବାଗ, ବ୍ଳକ ଅଧ୍ୟକ୍ଷା ମନୋରମା ମହାନ୍ତି, ଉପାଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି, ନର୍ଲା ଜିଲ୍ଲା ପରିଷଦ ସଦସ୍ୟ ହରିଶଙ୍କର ମାଝୀ, ସଦସ୍ୟା ଲିଲି ଦୀପ, ନମ୍ରତା ସାହୁ, ନର୍ଲା ସିଡିପିଓ ନିବାସିନୀ ବିଶ୍ଵାଳ, ନର୍ଲା ଜିପିଇଓ କ୍ଷିତୀଶ ଚନ୍ଦ୍ର ନାଏକ, ନର୍ଲା ସରପଂଚ ତନୁଜା ହରପାଳ, ନର୍ଲା ଥାନା ଅଧିକାରୀ ଗଙ୍ଗାଧର ମେହେର, ନର୍ଲା ଭାରପ୍ରାପ୍ତ ଚିକିତ୍ସାଧିକାରୀ ଅକ୍ଷୟ କୁମାର ଗୋଛାୟତ, ନର୍ଲା ସହକାରୀ କୃଷି ଅଧିକାରିଣୀ ସୁଜାତା ନାଏକ ଓ ବିଦ୍ୟୁତ ବିଭାଗର ଅଧିକାରୀ ପ୍ରମୁଖ ଉପସ୍ଥିତ ଥିଲେ।
ଦୀପକ ଠାକୁର/ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି
